Masaya ang 22-year-old Filipino-British actor at former Pinoy Big Brother: Connect housemate na si Kobie Brown pagdating sa usapin ng career at buhay.
Pero may isang aspeto na nais daw niyang panatilihing pribado: love life.
Ilang beses nang napabalitang may ugnayan umano si Kobie at ang Kapuso star na si Jillian Ward.
Kaya naman diretsahan tinanong ng PEP.ph (Philippine Entertainment Portal) ang bagong Sparkle artist tungkol dito. Single ba siya, may girlfriend, o may nililigawan?
"I'm just very happy, very happy at the moment. And I think there's some parts of my life na I'd like to keep private po," maingat na sagot ni Kobie.
"Kahit na showbiz?" sundot na tanong ng PEP.
Dagdag ng binata: "No, but I'm very happy, very happy right now.
"I'm focused din sa career ko and I... this is one of the happiest I've ever been."
Paano sila nagkakilala at naging close ni Jillian?
"Well, I actually met her sa... Na-meet ko siya dati po sa isang event and, no, we're... I met her from there.
"And, yeah, she's someone I'd love to work with po," paiwas pa ring sagot niya.
Eksklusibong nakausap ng PEP.ph si Kobie sa Cornerstone talents media day nitong Linggo ng gabi, July 26, 2026, sa Quezon City.
Kasama niya sa presscon ang mga kapwa Cornerstone at Sparkle artists na sina Michael Sager, Zephanie, Gaea Mischa, at Anton Vinzon.
Kasama rin sa media day ang Born To Shine director na si Rod Marmol.
Read: Sarah Geronimo reunites with parents; sings duet with dad
KOBIE on JILLIAN: "one of the people I'd love to work with."
Sa Fast Talk with Boy Abunda noong June 4, 2026, nagulat si Jillian nang matanong kung "Robbie or Kobie?" sa Fast Talk segment.
Noon pa man ay napapabalitang "mystery boyfriend" ng Kapuso actress si Kobie.
Hindi nasagot ni Jillian ang tanong, pero aminado siyang may nagpapakilig sa kanyang puso.
Aniya: "Recently, na-realize ko po na I want to keep this part of my life private kasi gusto ko rin pong maprotektahan yung mga tao sa paligid ko, whether family ko yon or friends ko or loved ones.
“Gusto ko nang maging private siya para ma-cherish ko ko yung mga connections, relationships ko with people. I want to protect their privacy.”
Read: Jillian Ward-Kobie Brown romance is real, sources claim
Tinanong ng PEP,ph si Kobie kung siya ba ang tinutukoy na "mystery guy" sa buhay ni Jillian.
Hindi niya direktang sinagot ang tanong.
Sabi lang ni Kobie, "Basta ako po, I'm very happy.
"I'm very happy with my career right now and I'm very open to working with anyone.
"And Jill is one of the people I'd love to work with."
Read: BLIND ITEM: Male celebrity sanitized ang kuwento about ex-wife