Kabilang ang actress-entrepreneur na si Ara Mina sa panauhing pandangal sa ginanap na open forum para sa 100 Sine. Film. Pelikula The 100+Greatest Movies of Philippine Cinema book launch.
Ginanap ito sa Cinema 3 ng Red Carpet, Shangri-La Plaza, Mandaluyong City, nitong Lunes, Agosto 10, 2026.
Ang libro ay isinulat ng veteran entertainment editor at journalist na si Jo-Ann Q. Maglipon, at ni Joel David, ang unang graduate ng film course ng University of the Philippines.
Dalawa sa lagpas isandaang pelikulang kasama sa listahan ang Curacha: Ang Babaeng Walang Pahinga (1998) na pinagbidahan nina Ara at Rosanna Roces, at ang Tatlo... Magkasalo (1998) na tinampukan nina Ara, Rita Avila, at Tonton Gutierrez.
Ang dalawang pelikula ay idinirek ng award-winning director na si Carlitos Siguion-Reyna.
Read: Gerald Anderson gets starstruck sharing stage with cinema legends
ARA MINA ON DELICATE SCENE WITH RITA AVILA
Sa forum, tinanong ni Ms. Jo-Ann si Ara kung ano sa dalawang pelikula niyang nabanggit ang humamon sa kanyang kakayahan bilang aktres.
Tugon ni Ara: "Parehas pong acting challenge, but I think yung Tatlo... Magkasalo po.
"Dahil kasi ako po yung lead po doon sa movie. Doon sa Curacha po kasi, parang ano lang po ako doon, ini-introduce pa lang po ako.
"So, mas marami pong challenging na acting na ginawa ko po sa Tatlo... Magkasalo."
Sa nasabing pelikula, closet lesbian ang role ni Rita kung saan naging kaulayaw niya si Ara.
Binalikan ni Ara ang pinakamapanghamong eksena nila ni Rita.
Natatawa niyang pagbabalik-tanaw: "Opo, hindi ko po na-experience makipagrelasyon sa isang babae. So, acting challenge po talaga sa akin.
"Siyempre kailangan kong maramdaman yun.
"At saka, kauna-unahang babaeng hinalikan ko sa buong buhay ko si Ate Rita Avila.
"So, wala na po akong hinalikang ibang babae. Siya lang po hanggang ngayon.
"So, hindi ko po alam kung may susunod pa po.
"Wala pa pong offer sa akin na lesbian po ulit. So, siya po ang first and last na nakahalikan po kong babae po."
Maliban sa kissing scene nila ni Rita, malaking hamon din para kay Ara na pareho silang topless sa maselang eksenang iyon.
Lalo na't nagkakabanggaan daw ang kanilang mga dibdib.
"Siyempre talagang... paano ko idi-deliver siyempre because of Direk Carlitos.
"Ilang takes po tayo sa ano, ilang takes po tayo sa kissing scene, di ba, Ate Gina?" tanong ni Ara sa co-star niya sa Tatlo... Magkasalo na si Gina Alajar, na kasama rin sa forum.
Patuloy na kuwento ni Ara: "Naihi na po kami ni Ate Rita kasi hindi namin parehas ano talaga alam ang gagawin namin, kasi parehas po kaming topless.
"So, nagkakabangga-banggaan na po kami nun. So, iba po yung feeling.
"Yun po. Sobrang hindi lang po acting, pati yung physical acting, ang hirap po.
"Yun po. Talagang very challenging po sa akin po."
Read: Shuvee Etrata recounts story of crying attendant in restroom
100 SINE. FILM. PELIKULA: The 100+ Greatest Movies in Philippine Cinema retails for P1,799, and is available on leading bookstores National Bookstore and Fully Booked as well as online via Shopee and Lazada.