Nanawagan si Janus del Prado na huwag kaagad husgahan ang kaibigang si Bea Alonzo matapos ang falling-out ng aktres at ng dating talent manager nitong si Shirley Kuan.
Hindi pa nagsasalita si Bea tungkol sa pag-resign ni Shirley bilang talent manaher at ang mga kaakibat na isyu nito.
Ayon kay Janus, hindi niya isinasantabi ang mga pinakawalang rebelasyon ni Shirley. Pero isang panig pa lang daw ng istorya ang napakinggan ng publiko.
Kaya pakiusap niya: "Before you judge Bea, let’s wait to hear her side of the story first.
"I’m not dismissing what her former manager claimed just yet, but that’s only one side of the story."
Suhestion pa niya, magkaroon ng non-disclosure agreements (NDA) ang mga talent at ang kanilang manager para kung sakaling magkaroon ng hindi pagkakaunawaan, manatiling sikreto na lamang ito sa pagitan ng dalawang panig.
"Actors should really consider having an NDA with their managers, and vice versa, to legally protect both parties’ confidential information and reputations.
"Para when the sh!t hits the fan, everyone involved is legally protected."
Tinapos niya ang kanyang Facebook post sa pamamagitan ng quote mula kay Aesop, isang Greek fabulist at storyteller: "Every truth has two sides. It is well to look at both before we commit ourselves to either.”
Read: Mommy Pinty confirms Alex Gonzaga has welcomed a baby boy
BEA ALONZO-SHIRLEY KUAN ISSUE
August 11, 2026 nang tinapos ni Shirley ang kanyang professional relationship bilang talent manager kay Bea.
Ang naging last straw raw kaya humantong sa paghihiwalay nila ng landas ang lahat: ang pag-disinvite kay Shirley sa isang brand endorsement launch ni Bea kung saan siya ang nag-asikaso at nagsara.
Kuwento ni Shirley sa isang intimate talk sa select members ng entertainment press, kabilang na ang PEP.ph (Philippine Entertainment Portal), noong, August 24, 2026: "The third trigger point, that was the last straw, was there was this event that... that's my deal.
"I closed this event. I was talking to the client and preparing this event, and I was told by client that I'm disinvited. And I already know. I already know what happened.
"Even if the client didn't wanna tell me because, I just wanna protect the client.
"Basta in other words, I already know who it is. And I told them, sabi, 'Wag ka magalit. Babawi kami sa yo.'
"Hindi ako galit, but I'm... I'll be a hypocrite if I tell you I'm not offended because this has never been done to me.
"Wala naman akong kasalanan, di ba? What have I done? So anyways, I didn't.
"Sabi ko, 'Don't worry, I'm not going if that's your, you know, that's your request.'
"But that's very offensive and that will... that's not something I can accept. And I told Bea, 'That's the last straw.'
"After I told her that and she said, 'No, I didn't know about that. Di ko alam yan.'
"'Okay, now I'm telling you. And this very moment,' this is what I said, 'As of this very moment, and as of this very day, I am no longer your manager.' That's how I told her.
"August 11th. I was told... I was disinvited August 10th."
Read: Shirley Kuan denies causing Bea Alonzo’s canceled Spain wedding
SHIRLEY: BEA NOT HER CASH COW
Mariin ding pinabulaanan ni Shirley ang alegasyong gatasan niya ng yaman si Bea.
Giit ng beteranang talent manager: "The problem is dapat nagtanong sila bago nila ako sabihan ng...
"I find that very insulting, ha. Parang tingin nila sa akin pulubi, di ba?
"Na parang pag wala na si Bea sa akin, magugutom na ako.
"At saka tanungin niyo kahit sino dito sa showbiz. More than 30 years na ako dito.
"Meron ba ako... meron bang magsasabi sa inyo na nagutom ako or nangharbat ako ng pera or I cheated my artist out of their talent fee? Meron bang ganun?
"And meron bang impression sa showbiz na mahirap ako? Di ba?"
Paglilinaw pa ni Shirley: "I just wanna make this clear, ha. Bea did not make me rich nor will she make me poor.
"So stop calling her my cash cow. I have bigger stars that I'm handling who are busier than her."
Si Shirley ang manager nina Helen Gamboa, Albert Martinez, Hilda Koronel, Donna Cruz, Agot Isidro, at Andrea Brillantes.
Read: Shirley Kuan fires back at "cash cow" claims about Bea Alonzo