Nagkuwento ang Thai actors na sina Ping Krittanun Aunchananun at Teshow Promsakha Na Sakonnakho tungkol sa karanasan nila sa paglalaro ng basketball sa Pilipinas laban sa Star Magic artists.
Sampung GMMTV Thai actors ang dumating sa Pilipinas para sa Star Magic All-Star Games 2026 na ginanap sa SM Mall of Asia Arena noong August 23, 2026.
Bukod kina Ping at Teshow, kasama nila sa Team GMMTV Thailand sina Joss, Gawin, Neo, twins AJ and JJ, Gifted, Ryu, at Marc.
Ang GMMTV ay kilalang Thai TV production at talent management company.
Ang mga bumubuo naman sa Team Star Magic Shooters ay sina Gerald Anderson, JM Ibarra, Ronnie Alonte, Emilio Daez, River Joseph, Jeremiah Lisbo, Young JV, Tristan Ramirez, Argel Saycon, Ashton Salvador, at Elyson de Dios.
Sa huli, nagwagi ang Star Magic team laban sa GMMTV artists.
THAI STARS ON STAR MAGIC ARTISTS, PINOY FANS
Sa Thai online show na Live House noong August 25, 2026, idinetalye nina Ping at Teshow ang mga kaganapan sa basketball match na ginanap sa Pilipinas.
Ipinost sa Facebook ng isang netizen ang isang portion ng interview na may English translation.
Read: Thai actors call Team Star Magic "very handsome... and buff"
Nagulat daw ang dalawang Thai actors sa laro ng kanilang mga kalabang Pilipino.
Sabi ni Ping (translated in English), “They didn’t just play well, their physique were insanely built!”
Mistulang professional basketball players ang Pinoy actors.
Dagdag ni Teshow: “If you collide with them, you’d bounce right off!
“Every single player on their team had arms as big as [Way-Ar]. I’m not even exaggerating!”
Bukod sa Star Magic artists, namangha rin ang Thai celebrities sa mainit na pagtanggap sa kanila ng Filipino fans.
Ani Teshow, “But honestly, the fans over there welcomed us so warmly.”
Sundot ni Ping, “The Philippine fans [were] so loud and energetic.”
Tuwang-tuwa raw si Teshow sa pagtili ng Filipino fans tuwing makaka-score sila.
Aniya, “Every time we scored, they were dancing and cheering so hard. We were happy and grateful for such a warm welcome.”
Unforgettable daw para kay Ping ang karanasang iyon.
Saad niya: “I’m going to remember this event until the day I die.
“A once-in-a-lifetime moment for me to play basketball with such a huge crowd watching.”
IMPRESSED BY THE HUGE VENUE
Hindi rin mapigilang mamangha nina Ping at Teshow sa laki ng venue, ang MOA Arena.
Kuwento ni Ping, “We didn’t realize how big the event was going to be. But when we arrived, it was massive. The arena was huge and really beautiful.”
Unang beses daw niyang maglaro sa ganoon kalaking venue.
Hindi raw hamak na mas malaki ang MOA Arena sa Impact Arena sa Thailand, na 12,000 ang seating capacity.
Ang MOA Arena ay may 20,000 capacity.
Pambibisto ni Ping kay Teshow, sinabi raw ng huli na "once-in-a-lifetime opportunity" na makapaglaro sa ganoon lalaking crowd.
Ninerbiyos daw ito nang tumapak siya sa stage.
Ani Teshow, “It was pure nerves and excitement from the match.”
