Nagsalita si Baus Rufo kasunod ng desisyon ng beauty queen-host na si Joy Barcoma na huwag nang lumabas bilang guest host sa Dogshow Divas podcast.
Hindi tinukoy ni Joy ang dahilan ng desisyon niya, subalit bakas sa kanyang post na naapektuhan ang kanyang well-being dahil sa mga negatibong komento ukol sa madalas niyang paglabas sa podcast.
Read: Joy Barcoma steps back from Dogshow Divas amid guesting issue
Ang Dogshow Divas ay isang comedy at pop culture podcast na hinu-host ni Baus at fellow influencer na si Macoy Dubs.
Noong February 2026, maraming listeners at viewers ang natuwa nang mag-guest si Joy sa podcast. Nakita ang chemistry ng tatlo.
Pagkatapos nito ay napadalas ang pagiging guest co-host ni Joy, lalo na kapag absent si Macoy.
Pero mukhang na-bash si Joy kaya nagdesisyon siyang hindi na lumabas sa podcast.
Nagsalita si Baus ukol dito sa press conference ng Kalurks!, ang upcoming showbiz talk show sa GTV kung saan kasama niya sina DJ Jhai Ho at Ashley Rivera.
BAUS RESPECTS JOY’S DECISION
“Her decision is something we fully support, definitely,” bungad ni Baus.
“I think in true Joy Barcoma fashion, she really teaches us a lot of things.
"Number one, well-being, that is an act of self-love actually…”
Mahihinuha sa pahayag ni Baus na naapektuhan ang mental health ni Joy mula sa komento ng netizens.
Pagpapatuloy niya: “Well-being, mental health is very important.
“But also, I think her message, basically, said that we still need to be kind.
"Minsan nawawala tayo sa mga comments lang, masyado tayong passionate about things."
Nais tumbukin ni Baus na may mga labis naaapektuhan dahil sa bashing ng netizens na invested kaya matindi ang mga komento.
Pagpapatuloy ni Baus: “That is something definitely I hold very deeply.
"And katulad ng sabi niya kanina, [nasa] The People Have Spoken pa kami, nasa Unang Hirit pa kami, meron kaming planned event this Sunday.
"So, magkasama pa rin kami nang madalas, actually.”
BAUS EXPLAINS MACOY'S ABSENCE ON DOGSHOW DIVAS
Tinanong din ng PEP.ph si Baus kung bakit madalas mag-absent si Macoy sa kanilang podcast.
Ito ang sinasabing dahilan kung bakit kumuha ng ibang guest co-hosts, tulad nina Joy at Tuesday Vargas.
Paglilinaw ni Baus, hindi naman biglaan ang pag--aabsent ni Macoy.
“We have been very vocal about it. Si Macoy mismo, he has been filiming The Good Doctor sa TV5 Kapamilya.
“The last, I think, five, six months, there was an announcement of it.
“I think alam naman natin that teleserye… it’s a very demanding job.
"Pero pangarap namin ni Macoy na lumabas sa TV, so definitely yun yung rason kung bakit wala siya.”
Ang kinumpirma ni Baus ay patuloy ang Dogshow Divas podcast at nananatili itong priority nila.
“Yes, definitely. There was an episode last week, kaming dalawa.
“Sa next episode namin, ang guest namin ay si Dimples Romana. At suot-suot namin ang kanyang iconic red dress.
“Natawa sa amin si Dimples na, parang, ‘Anong kabaliwan ito?’
"So, definitely the podcast is very much a thing.
"At katulad ng sinabi ko kanina, napakaimportante ng Dogshow Divas podcast sa amin.
"Kasi, parang calling card namin siya sa mga projects sa mga networks, so it’s very much a high priority for us.”
Read: Chin Chin Gutierrez resurfaces, shares spiritual journey in Miriam centennial book