Muling iginiit ni Joy Barcoma na wala silang samaan ng loob ng Unang Hirit co-host niyang si Baus Rufo kaya siya umalis sa Dogshow Divas podcast.
Sa Salmon event noong Linggo, September 6, 2026, saglit na nakausap ng PEP.ph (Philippine Enterntainment Portal) si Joy matapos nilang mag-guest ni Baus at mag-usap tungkol sa pag-aasikaso ng kanilang finances.
"So, wala kayong tampuhan ni Baus? Magkasama kayo ngayon," tanong ng PEP kay Joy.
Tugon niyang natatawa, "Wala. Sino nag-issue niyan?"
So, ibig sabihin, ayaw lang ni Joy sa podcast?
Pagtanggi niya: "No, hindi naman sa ayaw ko.
"I love doing Dogshow Divas but just I had to step away from the vlog kasi I feel like my mental health is more important than, you know, more important than doing it tapos maba-bash na naman ako all over again.
"So, parang for me, I'll just do my thing and I'll just stay in the space where people love me."
Feeling ba niya overworked na siya?
Bukod sa Dogshow Divas noon, may Unang Hirit pa siya at The People Have Spoken.
Aniya, "Hindi naman. Masaya ako sa ginagawa ko. I love my job. I don't feel like I'm overworked. I'm overpaid."
Read: Martin Romualdez’s unusual hospital mugshot revealed
JOY BARCOMA DISCONTINUES PODCAST GUESTING
Noong August 31, tinapos na ni Joy ang anumang imbitasyon sa kanyang maging guest at co-host ng comedy podcast na Dogshow Divas.
Ang podcast na ito ay pinangungunahan ng social media influencers na sina Baus at Macoy Dubs.
Sa kanyang pag-alis, hindi niya sinabi ang rason kung bakit tinuldukan na niya ang pagiging bahagi ng podcast.
Ipinaliwanag ng dating beauty queen may kaugnayan sa kanyang mental health ang rason.
Narito ang buong pahayag ni Joy (published as is), "Today, I’ve decided to step away from Dogshow Divas.
"Nabasa ko ang comments about my guestings. I’ve always been grateful whenever I’m invited to join podcasts when my schedule allows, but how often I appear isn’t something I personally control.
"Grateful ako to everyone who supported us, but for now, I’m choosing to protect my peace.
"All the best to Dogshow Divas!"
Read: Joy Barcoma steps back from Dogshow Divas amid guesting issue