Muling binalikan ni Gelli de Belen ang pinag-usapang interview niya kay Regine Velasquez sa defunct daytime talkshow ng GMA-7 na SiS, na hinu-host ni Gelli kasama sina Janice de Belen at Carmina Villarroel.
Sa guesting ni Gelli sa Fast Talk With Boy Abunda noong September 21, 2026, tinanong siya tungkol sa memorable episodes nila noon sa SiS.
Ang SiS ay umere sa GMA mula August 27, 2001 hanggang January 1, 2010.
"A lot of memorable episodes, especially yung mga birthday episodes namin. Kasi yun yung mga times na dumating si Ariel with my kids.
"Kakanta yung mga anak ko. Di siyempre tuwang-tuwa ako, di ba, as a mom," banggit ni Gelli sa kanyang mister na si Ariel Rivera at kanilang mga anak na sina Joaquin at Julio.
Dagdag pa niya: "Meron din kaming mga episodes na in-interview namin si Manny Pacquiao. Yung kararating lang niya from the airport, dumidiretso siya, nag-motorcade siya, dire-diretso siya sa [studio].
"Yung mga ganun, yun mga memorable episodes namin yun. Of course, our anniversaries are always memorable."
Dito na tinanong ni Boy Abunda si Gelli tungkol sa kontrobersiyal na interview niya noon kay Regine.
Nangyari ito nang nag-guest si Regine sa SiS noong February 3, 2003.
Pinapanood ni Boy kay Gelli ang bahagi ng nasabing interview.
Read: Premyadong aktor, isinumbong ng kapwa Pinoy sa U.S. authorities
GELLI AND REGINE'S PAST RIFT
Noong mga panahong iyon, may intriga sa pagitan nina Regine at Gelli dahil kay Ariel.
Kung matatandaan, nagkaroon ng isyu ang dalawa nang mag-overlap ang relasyon ng magkasintahan pa lang noong sina Gelli at Ariel sa relasyon ng singer-actor kay Regine.
Dahil dito ay nagkaroon ng sigalot sa pagitan nina Gelli at Regine noong 1990s.
Sa huli ay nagkabalikan sina Gelli at Ariel, hanggang sa tuluyan na silang magpakasal.
Saad ni Gelli tungkol sa yugtong iyon ng kanilang buhay: "Babalikan natin yung after twenty million years. Yes, that was memorable."
Dagdag pa niya: "Matagal na, matagal na. And Regine and I are very, very okay.
"Nothing... basta tapos na. That's, that chapter of our life is over.
"We've... we've grown from it."
Komento ni Boy, "Correct. At saka alam niyo po, ang leksyon talaga, we don't know what's gonna happen."
Pagsang-ayon ni Gelli: "We don't, di ba?
"Everything happens for a reason. I believe in that.
"Walang coincidences in life. Everything happens for a reason and that happened for a reason.
"And kung hindi ka kasi magtatanda sa mga pagkakamali natin sa buhay or sa mga challenges natin sa buhay, di mangyayari nang mangyayari yun.
"And I believe that for all of us in the situation, we all grew from that experience.
"There's always something to learn from any experience."
Read: Gelli de Belen recalls past issue with Regine Velasquez
GELLI, REGINE WERE ALREADY OKAY BEFORE SIS GUESTING
Sa isang panayam kay Gelli noong 2014, ikinuwento niyang bago pa ikasal sina Regine at Ogie Alcasid noong 2010 ay okay na sila ng Asia's Songbird.
Nangyari raw ito bago pa ang pinag-usapang guesting noon ni Regine sa talk show nila.
Aniya, "Yeah, before… yung time na nag-guest siya [Regine] sa SiS, okay na ako.
"Bago naman siya mag-guest noon, siyempre tinanong muna nila kung okay lang ba sa akin, parang respeto lang nila sa host.”
Taong 2015, nagkuwento rin si Gelli na ang panayam niya kay Regine sa SIS ang isa sa hindi niya makakalimutang episode ng show.
Pagbabalik-tanaw niya: "I had reservations noon na lumabas siya sa TV, di ba?
"First time naming mag-usap noon talaga. Hindi pa kasi magkikita noon, e."
Paano siya napa-oo sa interview?
Sabi ni Gelli, "Tinawagan nila [ng staff ng SIS] ako, kung okay lang daw ba.
"Siguro that day, good mood ako, sabi ko, 'Bakit naman hindi?'
"All's well that ends well."
Read: SIS host Gelli de Belen recalls controversial interview with Regine Velasquez