Nagluluksa ang mundo ng radyo sa pagpanaw ni DJ Martin D ngayong araw, September 27, 2026.
Si DJ Martin D, o Martin Dipasupil, ay isa sa mga haligi ng Philippine radio broadcasting industry, kung saan nagtrabaho siya sa loob ng 30 years.
Marami siyang natulungan at na-inspire para tahakin din ang mundo ng pamamahayag sa radyo.
Nakilala si DJ Martin D bilang isa sa mga orihinal at pinakapaboritong boses sa ere simula nang sumali siya sa WRR 101.9 For Life noong November 1996.
Naging mainstay siya sa nasabing radio station kahit noong nag-rebrand itong Tambayan 101.9 noong 2009 at MOR For Life! noong 2013.
Taong 2011, nanalo si DJ Martin ng Best Music Radio Jock award sa 20th KBP Golden Dove Awards.
Naglingkod siya sa istasyon hanggang May 2020, nang magsara ito dahil hindi na-renew ang prangkisa ng mother network nitong ABS-CBN.
Lumipat siya sa pag-broadcast online, sa mga local radio stations, at sa technical work, tulad ng pagiging sound technician at drama editor sa 93.9 iFM - Manila.
Read: Bela Padilla announces breakup with tech CEO Martin Tan
DEATH ANNOUNCEMENT
Ang anak niyang si Yey Carteciano ang nag-anunsiyo tungkol sa kanyang pagpanaw.
“We are still trying to process this painful loss, but we want to extend our deepest gratitude to everyone who has reached out, offered prayers, and extended their sympathy.
"Your kindness means the world to us during this incredibly difficult time."
Hindi binanggit ni Yey ang dahilan ng pagpanaw ng kanyang ama.
Kasunod ng anunsiyo, agad bumuhos ang pakikiramay mula sa mga kaibigan at katrabaho ni DJ Martin D.
Saad ni Laila Chikadora: "Hindi ka lang naging DJ sa radyo; naging kaibigan ka sa bawat tahanan at sasakyan na naabot ng boses mo. Isa kang tunay na haligi sa industriya, at isang karangalan na naging katrabaho ka.
"The Philippine radio industry mourns the loss of a legend. Maraming, maraming salalalamat sa tawanan, sa tugtugan, at sa lahat ng magagandang alaala, Cho Mart."
Nagpasalamat naman ang radio host na si Eva Ronda sa pagsuporta ng kanyang mentor kahit estudyante pa lamang siya that time.
“I will forever put in my heart and in my mind all the wonderful things and reminders that you have thought me po, Sir Martin. Salamat po sa pagtitiwala at sa lahat ng mga advices and learnings."
Nakiramay rin si DJ ChaCha: “Isa sa haligi ng FM radio. Rest in peace, ChoMart. Your voice may have gone silent, but your legacy will forever live on in Philippine radio. Maraming salamat sa saya, musika, at mga alaalang iniwan mo sa ere. You will be missed.”
Read: Deniece Cornejo, Cedric Lee granted release by Court of Appeals