Nakunan ang asawa ni Nikko Natividad na si Cielo Mae Eusebio habang sila ay nagbabakasyon sa Singapore.
Sa kanyang Instagram account ngayong araw, October 13, 2026, ibinahagi ni Nikko ang nakakalungkot na balita sa dapat sana'y masaya nilang biyahe abroad.
Ayon kay Nikko, hindi nila alam na nagdadalantao pala si Cielo bago pa sila bumiyahe sa Singapore.
Saad niya: "Pumunta kame ng singapore para mag celebrate ng birthday ni misis.
"Sinugod sya sa ER. Hindi namin alam na 6 weeks na pala syang pregnant."
Kailangan daw kaagad operahan si Cielo dahil sa naranasan niyang ectopic pregnancy.
Sabi pa niya, "Wala kaming choice kung di pa operahan sya agad agad dito sa SG dahil delikado daw at ectopic pregnancy sya."
Ayon sa National Library of Medicine, ang ectopic pregnancy "occurs when a fertilised ovum implants outside the normal uterine cavity."
Read: Judy Ann Santos on son Lucho: “Para kang naka-jackpot prize!”
NIKKO NATIVIDAD: "Nakakalungkot..."
Si Nikko at Cielo ay may dalawang anak na lalaki: sina Aiden Seagal, 11, at Aiz Shelby, 1.
Kaya naman nalungkot si Nikko dahil ito na sana ang kanilang pangatlong anak.
Pagtatapos niya, "Nakakalungkot dahil syempre nawalan kami ng anak. Pero ang dasal ko ngayon maging ok si wife [praying hands emoji]
"6hrs na hindi parin sya lumalabas operating room. Sa mga kaibigan pamilya namin we need your prayers [praying hands, heart emojis]"
View this post on Instagram
Marami namang kaibigan ni Nikko at Cielo ang nagpaabot ng dasal para sa kanya.
Sa bagong update ni Nikko, mukhang nakalabas na ng operating room si Cielo.
View this post on Instagram
Read: Judy Ann Santos on son Lucho: “Para kang naka-jackpot prize!”