Binigyang-diin ni Asia’s Multimedia Star Alden Richards ang kahalagahan ng paggawa ng mabuti, pagiging makatao, at pagtulong sa kapwa nang walang hinihintay na kapalit sa kanyang talumpati sa Hero For All 2026 nitong Linggo ng gabi, October 25.
Pinarangalan sa nasabing event ang 20 unsung Filipino heroes o mga ordinaryong Pilipinong gumawa ng kabutihan at nagpakita ng tapang at malasakit sa kani-kanilang komunidad.
Sa pamamagitan ng kanyang AR Foundation, tumulong si Alden sa pagpili ng 20 awardees mula sa iba’t ibang panig ng bansa at iba’t ibang antas ng pamumuhay.
Sa kanyang talumpati, binalikan ng aktor ang pinagdaanan ng kampanya at ang mga pagpapahalagang nag-uugnay sa mga taong kinilala dahil sa kanilang pagtulong sa kapwa.
“I really believe that if there's one thing we have to be consistent about in doing in this lifetime, na kahit ano pang dumating sa buhay natin, it's doing good,” pahayag ni Alden.
Para sa Kapuso actor, mahalagang manatiling mabuti at maging bahagi ng pagbabagong nais nating makita sa lipunan, kahit may mga pagkakataong mahirap itong gawin.
“Being kind, being the change that we want to see in society,” aniya.
“Sometimes we have to negate the effect of society, especially during the times na hindi na 'to nakakabuti para sa atin.”
ALDEN RICHARDS: “I AM A GOOD PERSON”
Pinuri ni Alden ang 20 pinarangalan sa Hero For All 2026 dahil sa kanilang pagiging matulungin at mapagmalasakit.
Ayon sa aktor, iisa ang katangiang namumukod-tangi sa mga ito—ang pagiging makasarili sa mabuting paraan, o ang pag-uuna sa kapakanan ng iba kahit minsan ay nakakalimutan na nila ang kanilang sarili.
Gayunman, nilinaw ni Alden na mahalaga ring maunawaan ang pagkakaiba ng pagmamahal sa sarili at ng labis na pagiging makasarili.
“But the selflessness I'm talking about with the hero roster that we have, the heroes roster that we have is selflessness to the point of nakakalimutanan nila yung sarili nila,” saad niya.
Idinagdag ni Alden na naniniwala siyang isinasabuhay rin niya ang ganitong prinsipyo.
“And I think I am a good practitioner of that kind of principle.”
Pagkatapos nito, diretsahan niyang ipinahayag ang kanyang paniniwala sa sarili niyang pagkatao.
Deklara ni Alden: “I really do believe that if there's one thing I'm proud of, sabihin niyo nang mayabang ako, pero alam ko, at the end of the day, I am a good person.
"No one can take that away."
Hinimok din niya ang mga pinarangalan na huwag ikahiya ang pagiging mabuting tao at ipagmalaki ito.
“And I'm sure gusto ko ganun din yung maging mindset ng mga heroes natin na you can be proud to tell the world that you're a good person.
"Please be proud of that fact.”
Read: PBB: Collab 3.0 housemates: Mikee, Anthony, Winwyn, Robbie, Gehlee are in!
ALDEN: “DO GOOD WITHOUT EXPECTATIONS”
Para kay Alden, hindi dapat nakadepende sa inaasahang kapalit ang paggawa ng mabuti.
Naniniwala siyang sa isang paraan o iba pa, babalik sa isang tao ang kabutihang ipinakita niya sa kapwa. Pero hindi ito dapat ang maging dahilan para tumulong.
“I'm not saying na kailangan kong gumawa ng mabuti kasi I need to expect something in return. No.
"Do good without expectations of it returning to you kasi one way or another, it will find its way back to you,” paliwanag niya.
Dagdag pa ng aktor, hindi kailangang mayaman, sikat, o may mataas na posisyon sa buhay para makagawa ng mabuti.
“Ang maganda kasi sa aspeto ng pagiging mabuti po ay libre. Libre siya, e.”
Ipinaalala rin ni Alden na lahat ay may kakayahang gumawa ng kabutihan, anuman ang kanilang trabaho o estado sa buhay.
“Ang paggawa po ng mabuti at pagpili sa paggawa ng mabuti, e, libre po sa araw-araw na ginawa ng Diyos,” sabi niya.
Sa pagtatapos ng kanyang talumpati, hinimok ni Alden ang lahat na patuloy na piliin ang kabutihan upang maging mas maayos ang mundo.
Aniya: “So what I'm really trying to say is, and I would like to end with this, you know, statement na be good so the world could be a little good at the end of the day.”
Binigyang-diin din niya na ang kabutihan ng puso ay isang bagay na hindi dapat hayaang mawala, anuman ang mangyari.
“And if there's one thing na hindi mananakaw sa inyo ng kahit sinuman, yun po yung kabutihan ng puso.”
Panghuli, nag-iwan siya ng paalala tungkol sa pangangalaga sa kabutihang ito at sa patuloy na pagmamalasakit sa mga taong nakapaligid sa atin.
“So guard it. Guard it with your life. And always be concerned about the people around you,” pahayag ni Alden.
ALDEN'S MESSAGE AMID XIAN GAZA'S ALLEGATIONS
Ang talumpati ni Alden ay naging makahulugan sa gitna ng mga paratang na inilabas ng kontrobersiyal na social media personality na si Xian Gaza.
Kabilang sa mga alegasyon ng content creator ang tungkol sa isang condominium unit at anim na mamahaling relo na umano'y ipinahiram kay Alden.
Kumalat online ang mga pahayag ni Gaza at naging paksa ng diskusyon sa social media.
Gayunman, sa bahaging ito ng talumpati ni Alden sa Hero For All 2026, hindi niya tuwirang binanggit si Gaza o ang mga paratang nito.
Dahil dito, hindi tiyak kung ang kanyang pahayag na isa siyang mabuting tao ay direktang sagot sa kontrobersiya.
Sa halip, nakasentro ang mensahe ng aktor sa kahalagahan ng paninindigan sa sariling mga prinsipyo, pagtulong sa kapwa, at pangangalaga sa kabutihang nasa puso ng bawat isa.
“GUARD IT WITH YOUR LIFE”
Toward the end of his speech, Alden encouraged the audience to continue choosing kindness and remain mindful of the people around them.
“So what I'm really trying to say is, and I would like to end with this, you know, statement na be good so the world could be a little good at the end of the day.”
He concluded with a reminder that kindness is something worth protecting.
“And if there's one thing na hindi mananakaw sa inyo ng kahit sinuman, yun po yung kabutihan ng puso.”
Alden added: “So guard it. Guard it with your life. And always be concerned about the people around you.”
View this post on Instagram
Read: Julia Montes on finance issue in Coco Martin's film company: "Malaki po ang nawala."