Itinanggi ni Mavy Legaspi na ang kontrobersiya sa kanyang hosting performance sa Pinoy Big Brother (PBB): Celebrity Collab Edition 2.0 Big Night ang dahilan kung bakit hindi na siya kabilang sa hosting lineup ng kasalukuyang season ng reality show.
Nakapanayam ng PEP.ph (Philippine Entertainment Portal) si Mavy sa premiere night ng comedy-thriller film na Red Crown noong October 26, 2026, sa Robinsons Galleria sa Ortigas.
Naroon ang aktor upang suportahan ang nobyang si Ashley Ortega, na bahagi ng cast ng nasabing pelikula.
Dahil kasisimula pa lamang ng bagong season ng PBB, hindi pinalampas ng PEP ang pagkakataong tanungin si Mavy tungkol sa hindi na niya pagiging bahagi ng hosting team ng reality show.
Gayundin, kung may katotohanan ang espekulasyong ang naging performance niya sa PBB: Celebrity Collab Edition 2.0 Big Night ang dahilan kung bakit siya pinalitan bilang co-host.
Hindi lingid sa kaalaman ng marami na naging sentro ng usapan online si Mavy matapos ang Big Night noong February 28, dahil sa paraan ng pagbigkas niya ng mga linya habang nagho-host.
May ilang netizens na pumuna sa mabagal niyang delivery at nagkomento tungkol sa kanyang performance.
Bagamat ipinaliwanag naman noon ni Mavy na nakaranas sila ng matinding microphone delay sa venue, na naging dahilan upang mahirapan siyang magsalita nang maayos.
Gayunman, may ilang netizens na hindi kumbinsido sa kanyang paliwanag.
Read: Mavy Legaspi explains reason behind "cringe" PBB hosting
May katotohanan nga ba ang espekulasyong ito?
Ayon kay Mavy, hindi ang kontrobersiya sa Big Night ang dahilan ng kanyang pagkawala sa hosting lineup ng PBB.
Sa halip, siya raw mismo ang nakiusap sa kanyang management na pansamantalang magpahinga sa trabaho para bigyang-pansin ang kanyang mental well-being.
Pahayag ng anak nina Carmina Villarroel at Zoren Legaspi: “I'm one hundred percent sure on both ends, from ABS and from GMA, that that's not the reason.
“Again, like I've been saying, it's always about just getting ready physically. I was not in a good place mentally during that time, so I really took a break.
"So ayun, I humbly and respectfully asked my management to have this hiatus from work so that I can, again, get ready myself physically and also heal mentally also."
Read: Ate Gay’s family seeks financial help as hospital bills hit P2.4M
Mavy says he has moved on from PBB hosting
Sundot na tanong kay Mavy, "Nami-miss mo ba ang pagho-host sa PBB?"
Mabilis na sagot ng binata: "I would say what's for me is for me, so I have no answer for that.
"Parang kasi last season was, like, seven months ago, eight months ago. So there was time na nakapag-move on na ako physically and mentally.
"So I always joke na sinasabi ko PBB was 60 pounds ago, so... Yun lang yun."
Bagamat hindi na bahagi ng kasalukuyang hosting lineup, malaki pa rin daw ang pasasalamat ni Mavy sa dati niyang co-hosts.
Lahad niya, "Ako, one thing's for sure that I can say is that I'm very grateful to my co-hosts because on the Big Night, they all messaged me saying that they miss me, whatsoever."
Sa ngayon, nakatuon na raw ang atensiyon ng binata sa mga bagong oportunidad na dumarating na alam niyang makatutulong sa kanyang personal na paglago.
“But again, I'm on to greater things in life. Past na yun. And I just choose to be in places that will help me grow,” aniya.
Sinabi rin ni Mavy na ipinagmamalaki niya ang mga dating kasama sa programa, maging si Michael Sager, na pumalit sa kanya sa hosting lineup.
Read: Meet the PBB: Collab 3.0 housemates!
Sabi niya: 'But again, I'm on to greater things in life. Past na yun. And I just choose to be in places that will help me grow.
"Kaya ayun, and then good luck to them. I'm always proud of my co-hosts.
"And of course, not only my co-hosts, but I'm also proud of Michael Sanger.
"Congrats to him. I messaged him also."
@pepalerts "WHAT’S FOR ME IS FOR ME.” Mavy Legaspi denies that his “cringe” hosting on Pinoy Big Brother was the reason he was replaced as a co-host for the new season. “It's always about just getting ready physically, and I was not in a good place mentally during that time, so I took a break,” he says. Video: Khryzztine Joy Baylon #EntertainmentNewsPH #PEPVideo #PEPCoverage #PEPKhryzztine ? original sound - PEP.ph
MAVY ON HANDLING BASHING
Dahil sa mga nangyari, hindi maiiwasang putaktihin ng batikos si Mavy.
Paano ba niya hina-handle ang mga kritisismo na natatanggap niya?
Aniya, “Luckily, I'm grateful that I have a strong heart. So bashing doesn't affect me.
"Because at the end of the day, they can't say that to my face."
“Thankfully, I don’t get to see the comments because my algorithm on social media accounts is not bashing-related," dagdag pa niya.
Read: Ashley Ortega on two-year age gap with Mavy Legaspi not an issue