Nagkuwento si Thea Tolentino tungkol sa love story nila ng fiancé na si Martin San Miguel.
Si Martin ay isang pilot ng isang local commercial air liner ng bansa.
Ayon sa Kapuso actress na si Thea, matagal na silang magkakilala ni Martin pero hindi sila childhood sweethearts.
Kuwento niya, "Magkakilala kami 2014 pa, pero 2020 kami nag-connect. Yes, pandemic."
So, pandemic love story?
Paano nila nagawang magkita at magkaligawan sa gitna ng mahigpit noong social distancing?
"Ano, face mask, face shield. Yun," pagbabahagi ni Thea.
"Ang hirap nga noon kasi, ang hirap makapag-date sa mga restaurants, kasi kailangan lagi naka-ganun nga, may face shield.
"So, as much as possible, parang either place ko or place niya na lang kasi mas safe yun.
"Tapos, either order na lang ng food or luto kami ng food. Ganun yung ginagawa namin."
Nitong January 2026, nagkuwento rin si Thea sa Fast Talk with Boy Abunda na malaki ang naging kontribusyon ng Kapuso actor-TV host na Juancho Triviño sa reconnection nila ni Martin.
Nakasaad sa article sa GMA News Online: “Actually, 2014 or 2015 pa kami magkakilala ni Martin. Tapos, magkanya-kanya pa kaming relationship.
"So, meron kami pictures na with our exes. And then, noong 2020, I think, during pandemic, si Juancho at tsaka si Joyce [Pring], nag-double date kami."
Hindi naman daw kaagad sila ready noon para sa isang relasyon.
“And then, kasi parang feeling ko noong time na yun, hindi pa ako ready na pumasok sa isang relationship, mag-commit."
Social media ang lalong naglapit sa kanila ni Thea at Martin.
Napansin kasi ni Juancho na ni-like ni Martin ang larawan ni Thea matapos siyang magpabakuna para sa COVID-19.
“And then, nag-Viber sa akin si Juancho, sabi niya, ‘Message mo na kasi.’
"Sabi ko, ‘Ayoko, ayoko, baka mamaya hindi kasi ako mag-commit. Ako yung mapapahiya.'"
Pero mapilit daw talaga si Juancho sa kanya.
At sinabing makakatanggap siya ng text mula kay Martin.
“And then, noong midnight noong araw na yun, nag-message ulit si Martin."
Read: Meryll Soriano on Joem Bascon: Budgetarian, kuripot, good provider
THEA AND MARTIN: THE PROPOSAL
Matapos ang halos limang taon nilang pagsasama bilang magkarelasyon, nag-propose na si Martin kay Thea noong November 25, 2025 habang nasa bakasyon sila abroad.
Sabi ni Thea sa post sa Instagram, "11.25.25 [ring emoji]
"It's sinking in for real now.
"Hello my fiancé @_martinjoshua [heart emoji]"
View this post on Instagram
Matapos ang halos isang taon, nakatakda na silang ikasal sa simbahan ngayong huling bahagi ng 2026.
Sa exclusive interview ng PEP.ph (Philippine Entertainment Portal) kay Thea, sinabi niyang hindi magiging intimate ang kanilang church wedding.
"Hindi kaya.
"Yes. Tsaka itong wedding namin, for me, it's also a thank you to people na nakatulong din sa lives namin.
"So, we are sharing this milestone with them and grateful kami na makapunta sila sa wedding namin.
"And may mga kamag-anak din talaga kami na lumipad pa from all over the world."
Read: Thea Tolentino tells Mikee Quintos not to mind her wedding