Nag-react si Jim Paredes matapos siyang batikusin ng ilang netizens nang i-share niya ang meme ni President-elect Rodrigo Duterte, kung saan nakapatong ang mukha nito sa larawan ng imahe ng Sto. Niño.
Ang nasabing tweet ni Jim ay tila pagpuna kay Duterte na kung tratuhin ay parang Diyos ng iba niyang mga tagasuporta.
Pero hindi natuwa ang iba; bukod sa tila hindi pa raw nakaka-move on si Jim sa pagkapanalo ni Duterte, idinamay pa raw niya ang santo.
Read: Jim Paredes criticized for posting meme about President-elect Rodrigo Duterte
Nitong Huwebes, June 2, sunud-sunod ang tweets ni Jim upang depensahan ang sarili.
Sa unang tweet, sinabi ng singer na hindi siya ang gumawa ng meme, pero shinare niya ito.
Ang pangunahing intensiyon raw niya ay punahin ang mga tao na kung tratuhin si Duterte ay isang Diyos.
1/2 I did not make the meme but i posted it. I take responsibility. It was not against Sto Nino but against ppl who treat candidates as God
— Jim (@Jimparedes) June 2, 2016
Dugtong pa niya, kapag dinidipensahan ng mga tagasuporta ang isang tao at nagbabanta kahit na mali ito, halimbawa raw ito ng idolatry.
2/2 When ppl believe candidate can do no wrong & will thrraten ppl to defend him kahit mali, that is idolatry. Meme is aimed at them.
— Jim (@Jimparedes) June 2, 2016
Humingi rin siya ng paumanhin sa mga taong nainsulto sa kanyang post.
Pero umaasa siyang may mga nakakuha ng kanyang mensahe.
If you did not get the satirical intent and got offended, i apologise. But i hope it led some of you to think deeper abt this craziness.
— Jim (@Jimparedes) June 2, 2016
Pinuna rin ni Jim ang mga nagbabanggit tungkol sa pagiging Kristiyano at pag-aakusa sa iba kung sila rin mismo ay gumagawa ng kasamaan, kagaya ng masamang asal at pagpapadala ng death threats.
Can you invoke Chistianity and accuse anyone of anything if you yourself behaved badly and sent death thteats and insults?
— Jim (@Jimparedes) June 2, 2016