Ikinasal na si Rosanna Roces at ang kanyang lesbian partner na si Blessy Arias ngayong Sabado ng gabi, December 10.
Naganap ang seremonya sa Alexa’s Garden Venues sa Antipolo, Rizal, na siya ring nag-upload ng mga litrato sa kanilang Facebook account.
Isa sa mga dumalo sa kasal ay ang Superstar na si Nora Aunor, na nagsilbing isa sa principal sponsors nina Rosanna at Blessy.
Dumalo rin sa naturang pagdiriwang ang entertainment columnist na si Butch Francisco, na dating co-host ni Rosanna sa defunct showbiz talk show ng GMA Network na Startalk.
Ang batikang indie film director na si Adolf Alix Jr., na ninong rin sa kasal, ay nag-post naman ng picture ng bagong kasal sa kanyang Instagram account.
LOVE STORY. Pebrero ng taong ito nang unang sinabi ni Rosanna, sa interview niya sa Tonight with Boy Abunda, na pakakasalan niya si Blessy.
Hindi pa niya pinangalanan noon ang kanyang partner, subalit sinabi niyang 15 years old pa lang siya nang una silang nagkaroon ng relasyon, at nagkita silang muli matapos ang 27 taon.
Read: Rosanna Roces to marry her lesbian lover
Nitong Setyembre naman ay nauna nang nagpakasal ang dalawa sa Canada.