Pakuwelang sinita ni Luis Manzano, 38, sa IG ang isang male netizen na umaming tagahanga ng girlfriend niyang si Jessy Mendiola, 25.
Ito ay matapos ihayag ng male netizen na matagal na niyang sinusubaybayan si Jessy, base sa comment nito sa sexy photo ng dalaga.
Sabi ng male netizen na tila isang foreigner, "I offer you a very nice greeting with a sincere smile from the depths of the heart. You will meet with the sunrise this morning.
"To tell you that there is a man who respects you, loves you. Follow your publications...
"God bless you dear... I love you so much my love."
Sa pamamagitan ng pagsagot sa netizen, pasimpleng prinotektahan ni Luis si Jessy at ipinaalala na siya ang boyfriend ng dalaga.
Buwelta ni Luis, "i love you too, my please shower now, i'm on my way home and i will make iskemberlu on your body ;)"
Hindi ito ang unang pagkakataong hinarang ni Luis ang male netizens na nagpapakita ng motibo kay Jessy.
Noong December 2017, magkakasunod na sinagot ni Luis ang mga lalaking naghayag na gusto nilang makatabi si Jessy sa picture ng dalaga kung saan nag-pose ito sa loob ng hotel room nito sa Boracay.