Hindi mabura ang ngiti sa mukha ni Catriona Gray nang tanungin ito tungkol sa kanyang reaksiyon matapos niyang mabasa ang tweet ng international supermodel na si Tyra Banks tungkol sa kanyang "Lava Walk."
Kahapon, December 15, napansin ng America's Next Top Model host ang pag-tag sa kanya ng isang netizen tungkol sa performance ni Catriona sa Miss Universe 2018 prelims.
Kaya naman napa-reply ito ng, "I mean...Pinoy Power to the Max!!!"
Nakapanayam ng TV5 reporter na si MJ Marfori si Catriona kanina, December 16, tungkol dito.
Kuwento ng Bicolana beauty queen, "When I saw the comment on the phone, I was like, 'Totoo ba 'to? Tyra Banks ba 'to?'
"And then, I checked the link that she was commenting on and it was my video.
"I was like, 'Oh my gosh!'"
Hindi inasahan ni Catriona na magiging viral sa social media ang kanyang pasarela.
Nag-trend at napabalita na rin ang kanyang "lava walk" maging sa ilang international news sites sa Thailand at India.
Ani Catriona, "Even after preliminary, to see that much impact... I even saw myself in like a Thai TV station.
"Miss India came up to me and she's like, 'One of the Indian news papers has even published about your walk.'
"And I was just like, 'This is insane!'"
Maging ang kanyang Instagram followers ay dumami na rin.
Sa ngayon, mayroong 970,000 followers si Catriona sa Instagram at maaaring umabot ito ng 1 million sa loob ng ilang araw.
Pahayag ng model, "I can't get over that... It's jumping by leaps like a hundred thousand a day.
"But it's just crazy... I know that my value and my worth aren't based on the numbers on social media.
"But to see that many people like joining the journey, you know what I mean? It's just wow!"
Sa husay ng ipinakita ni Catriona sa Miss Universe 2018 prelims, marami ang nagsasabi na mahihirapan ang magmamana ng kanyang korona bilang Miss Universe Philippines.
Ayon naman kay Catriona, handa siyang tumulong sa susunod na kandidatang ipapadala ng Pilipinas sa nasabing pageant.
"I will definitely be there as a sister, as a fellow sister to guide.
"You know, it really comes from the girl.
"I'm a creative and that's what came out as my product in my reign.
"It depends on the strengths of the girl—what she wants, what's her vision, if any, you know?
"So I think it really just come forth from that."