Bagong single ng female singer na si Caren Tevanny ang "Deliverance," na under sa bagong record label na Handpicked.
Naging gitarista si Caren ng bandang General Luna, kung saan nakasama niya sa ang singer na si Nicole Laurel Asensio, na siyang lead female star sa pelikulang Katips at FAMAS Best Actress nominee.
Ani Caren, “Kami po yung original. Siya actually yung kumuha sa akin to be in the band.
“Matagal na akong nasa music, but then yung career ko, nagkaroon ng sabihin nating traction nung kinuha kami ng Warner.
"Binuo kami, General Luna, na nandun din si Nicole.
“After five years, pareho kami ni Nicole parang puwede nating sabihin, siyempre dumarating yung time na gusto na naming gawin yung gusto talaga naming sa music.
"So we decided to do our own and hindi na kaya pa na ma-sustain ang General Luna so nag-decide kami to end in a nice way naman.”
Nasa General Luna si Nicole hanggang 2015, at si Caren ay nanatili sa banda hanggang 2017.
Ayon kay Caren, “We decided it’s not General Luna anymore without the original members.”
Magkaibigan pa rin naman sila ni Nicole hanggang ngayon, "Yeah, sobra! We’re together in everything right now.”
Nanood rin daw siya ng Katips.
CROSSOVER FROM SINGING TO ACTING?
At sa tanong kung tulad ni Nicole ay papasukin rin ba ni Caren ang pag-aartista, aniya, “Siguro kung puwede akong umarte, mahiyain akong umarte."
Natawa si Caren.
“Pero kung may opportunity, puwede. Siguro the farthest na nagawa ko is commercial.
"Pero teleserye, nakapag-ekstra na nung bata, siyempre nung bata ka tina-try mo lahat so mga paekstra-ekstra.
"Pero yung katulad ng kay Nicole, hindi ko pa nagawa kasi siya talaga theater actress ever since.”
Kung mag-aartista siya, si Iza Calzado raw ang nais makasama ni Caren sa isang proyekto bilang magkakilala rin sila.
Masaya raw siya sa pagbubuntis ni Iza, “Nakakasama ko po siyang mag-workout and mahilig din kasi siya sa music.
"Kasi dati sa gym, tinanong ko pa siya kung kailan siya magkaka-baby 'tapos ayan na pala."
Samantala, sa banda nagkakila at nagkaibigan si Caren at ng fiancé niya na si James Mollo. Ikakasal na sila sa May 2023.
Kuwento ng singer, “Musician din po siya, bago lang yung band nila, Modern Daydream.
"Kasama ko rin siya sa band ko ngayon, siya yung naggi-guitar for the rhythm part kasi lead guitar ako, ako rin yung kumakanta.”
CAREN'S SCREEN NAME
Caren Tevanny na rin ang pangalan ng banda nila ngayon, mula sa screen name at tunay na first at second name niya. Mangaran ang apelyido ni Caren.
Hayag niya, “Originally ang gamit ko noon Tevanny lang pero, but then nung nag-General Luna, after nun, naisip ko people knew me as Caren.
"Sa General Luna, some call me Tevanny and medyo unique so iyon na yung ginamit ko.”
Tungkol naman sa kanyang musical journey, halos isang dekada na siyang naglalabas ng mga songs.
“I’ve been releasing songs since 2011 kaya lang wala akong manager so lahat on my own. I promote, I find ways how to really get my song out there.
“And tuluy-tuloy lang hanggang ngayon so recently... I was able to get all means that I can to promote in a more larger scale so eto ngayon.
"I really prepared for this single, 'Deliverance,' so iyon yung pino-promote ko ngayon, given na I’ve already released I think four originals in the past.”
Si Caren ang nagko-compose ng lahat ng kantang nire-release niya. Rock na hinaluan ng electronic at pop ang musical genre ni Caren.
Tungkol saan ang "Deliverance"?
“Deliverance is actually about an experience and I think it’s an experience of everyone na maraming nagsasabi na hindi mo siya kaya on your own or hindi mo siya kaya.
"In general, yung mga bagay na akala natin hindi kayang gawin. And not just other people telling us but sometimes kahit yung sarili natin.
"Sometimes we lose faith in ourselves so basically it’s a song of trying to inspire and let yourself remind, be reminded that if you put effort to it there’s gonna be something at the end of everything.”
Available na sa iTunes, Spotify at iba pang digital platforms worldwide ang "Deliverance."