Walang problema kay Katrina Halili na maging malapit ang loob ng anak na si Katie, hindi lang sa amang si Kris Lawrence kundi pati kay Baby Lyric.
Sina Katrina at Kris ay dating magkasintahan.
Naghiwalay sila noong 2014, pero nanatiling civil sa ngalan ng anak nilang si Katie.
Si Katie ay walong taong gulang na ngayon.
Si Kris ay mayroong one-year-old son, si Baby Lyric, sa non-showbiz girlfriend nito.
Minsang naikuwento ni Kris sa PEP.ph (Philippine Entertainment Portal) na sobrang excited ni Katie nang malaman nitong magkakaroon siya ng kapatid sa ama.
Naghalungkat pa raw si Katie noon ng mga damit sa closet nito para maibigay kay Baby Lyric.
Na-appreciate daw ni Kris ang gesture ni Katie, kahit na hindi rin naman magagamit ni Baby Lyric ang mga damit dahil baby boy ito.
Ayon naman kay Katrina, suportado niya ang magandang relasyon ni Katie kay Kris at Baby Lyric.
"Yes, 'tsaka mahilig din talaga si Katie sa bata.
"Hindi ko naman talaga pagdadamot yun dahil hindi naman ako bitter.
"Happy ako sa life ko, and happy naman din ako for him.
"Kung mahal mo rin talaga ang anak mo, bigay mo rin kung anong gusto niya. Gusto niya yung tatay niya, e, di pwede naman niya makita talaga."
Nakapanayam ng PEP.ph si Katrina sa PEP Exclusives bago ito nagsimulang mag-taping ng fresh episodes ng Kapuso afternoon series na Prima Donnas.
CO-PARENTING STATUS
Nasa poder ni Katrina si Katie, pero hindi raw niya ipinagkakait kay Kris ang pagiging ama sa kanilang anak.
"Hindi ko naman ipagdadamot yun. Pwede niya makausap. And siyempre pagkatapos ng pandemic na ito, pwede naman silang mag-bonding."
Aminado si Katrina na kailangan din ni Katie ng kalinga ng isang ama.
"Oo, kasi meron din siyang mga hinahanap sa akin na di ko mabigay. Hinahanap niya sa papa niya.
"Minsan nami-miss din niya talaga. Kunwari, pag matagal siyang di natawagan, miss na miss din niya."
Noong January 17, 2020, ilang buwan bago ang enforced quarantine, nakapasyal pa sina Kris at Katie sa Manila Ocean Park.
KRIS VISITS KATIE
Kuwento pa ni Katrina, bumisita si Lawrence sa bahay niya noong eight birthday ni Katie noong September 18.
Pero hanggang sa garahe lang daw si Kris.
"Actually, nung birthday niya, pinuntahan siya ng papa niya. Sabi ko, nag-swab test kasi ako, hindi ako pwedeng tumanggap ng bisita.
"Yung papa niya, naka full gear, naka-personal protective equipment [PPE], naka-facemask, naka-faceshield.
"Dinalaw siya, kahit dun lang sa parking."
Hindi raw mapapasok ni Katrina si Kris dahil nasa quarantine mode ang aktres bilang paghahanda ng balik-taping nito sa Prima Donnas.
"Oo, siyempre dahil ngayon quarantine, mas videocall sila. Dun sila nagkukumustahan.
"Siyempre iniiwasan natin yung palipat-lipat yung bata. Ayoko rin ng ganun."
Watch the full PEP Exclusives interview with Katrina Halili here:
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika