May nalalaman nga ba si Ruffa Gutierrez sa hinihinalang espesyal na ugnayan nina Maris Racal at Rico Blanco?
Ito ang palaisipan sa netizens bunsod ng malamang mensahe na iniwan ni Ruffa sa comments section ng pinag-uusapang Instagram post ni Maris.
Kabilang si Ruffa sa kinilig matapos makita ang Instagram video ni Maris na kasabay si Rico sa pagkanta ng "Brighter Than Sunshine" ng Aqualung.
Kuha iyon sa studio ni Rico.
Kilalang kilig love song ang "Brighter Than Sunshine" na may lyrics sa chorus na "I'm yours and suddenly you're mine."
Naging tampok din ng espekulasyon ang sinasabing muntikang paghalik ni Maris kay Rico nang ilapit ni Maris ang kanyang mukha kay Rico, sabay bawi rin nito.
Makikita iyon sa dulong bahagi ng kilig duet ng dalawa.
Reaksiyon ni Ruffa ukol dito: "Ayyyyyyy [lovestruck emoji] the cat is out of the bag [surprised and heart emojis]."
NETIZENS REACT TO RUFFA'S COMMENT
Dahil sa binitiwang salita ni Ruffa, may mga nagtanong kung ang ibig sabihin ni Ruffa ay nabunyag na ang sikreto tungkol sa relasyon nina Maris at Rico.
Hindi malinaw kung may iba bang ipinupunto si Ruffa sa kanyang comment.
Komento ng isang netizen, "@iloveruffag PARANG ETO NA YUNG SAGOT NA HINIHINTAY KO. HUHUHUHUHU OMG."
"@iloveruffag hala the secret revealed," dagdag pa ng isang commenter.
OTHER CELEBRITY REACTIONS
May ilan pang artista na kinilig din sa duet nina Maris at Rico na makikita sa Instagram ni Maris.
Isa na rito si Bianca Gonzalez na nagsabing, "Aaaaw. Cute niyo [heart emoji] Happy birthday Rico!!! @ricoblanco100."
Ang kaibigan ni Maris na si Sue Ramirez ay nagpaabot ng "happy birthday" kay Rico.
Nag-iwan naman ng hearts at shining emojis sina Jane Oineza at Miles Ocampo.
Nauna nang naibalita ang kilig reactions nina Alex Gonzaga, Julie Anne San Jose, Maja Salvador, Alora Sasam, at pati na rin ng direktor na si Antoinette "Tonet" Jadaone.
HOW MARIS AND RICO started working together
Kasunod nito ay nag-trend ang tweets ni Maris noong 2017 na iniidolo pa lang niya si Rico at pinapangarap pa lang niyang mapanood itong kumanta nang live.
Noong 2017 din nag-tweet si Maris na nag-request siyang kantahin ni Rico ang "Balisong" sa future wedding ni Maris.
Sumagot pa noon si Rico na hindi lang "Balisong" kundi pati "Your Universe" ay kakanta siya sa future wedding ni Maris.
Hanggang sa noong December 2018, nagpalitan muli ng tweets ang dalawa tungkol sa pagpayag ni Rico na makatrabaho si Maris para sa bagong kanta ng dalaga.
Nalunsad ang collaborative single ni Maris na "Abot Langit" noong May 2019.
Mula noon ay naging malapit na magkatrabaho sina Rico at Maris.
Nito lang January 2021, naglabas si Maris ng vlog kunsaan makikitang nasa studio siya ni Rico para iparinig ang kino-compose niyang kanta na "Not Me."
Kuha raw iyon "almost a year ago," ayon kay Maris.
