Meryll Soriano posts surprise visit of aunt Maricel Soriano; reveals gender of baby with Joem Bascon

by Arniel C. Serato
Jan 4, 2021
Meryll Soriano Maricel Soriano visit
Diamond Star Maricel Soriano (left) carries her two-week old nephew, Meryll Soriano's (right) baby with boyfriend Joem Bascon.
PHOTO/S: Courtesy: @planetumeboshi on Instagram

Sorpresang binisita ng Diamond Star na si Maricel Soriano ang pamangkin na si Meryll Soriano at ang bagong silang nitong anak.

Si Meryll ay anak ng kapatid ni Maricel na si BecBec Soriano.

Si Becbec ay dating girlfriend ng TV host na si Willie Revillame.

Si Meryll ang bunga ng kanilang pagmamahalan noon.

Nitong Bagong Taon, inanunsiyo ni Meryll na mayroon siyang bagong anak.

Ang ama nito ay ang nakabalikang nobyo na si Joem Bascon.

Sa post ng aktres sa Instagram ngayong Lunes, January 4, sinabi nitong sorpresang dumating ang kanyang "Mommy 2" na si Maricel sa kanilang bahay.

Mensahe ni Meryll sa caption, “Surprise visit from Mommy 2. Pinakaunang bisita!

“We love you, Mommy 2. (three heart emojis)”

Noong January 2, unang inanunsiyo ni Meryll na naipakilala na niya ang bagong silang na sanggol sa ama niyang si Willie.

Tila naganap ang pagkikita nina Meryll at Willie bago pa Mag-Pasko.

Continue reading below ↓

Base ito sa December 23 post ni Meryll kunsaan nakatalikod sila ni Willie, pero mapapansing tila may buhat na sanggol ang Wowowin host.

MERYLL REVEALS GENDER OF NEWBORN BABY

Linggo ng gabi, January 3, ipinaalam na rin ni Meryll ang kasarian ng anak nila ni Joem.

Inanunsiyo niya ito sa pamamagitan ng pag-post ng larawan ng panganay na anak na si Elijah, 13, na karga-karga ang bagong kapatid habang nakaupo sa sofa malapit sa kanilang Christmas tree.

Maiksing caption ni Meryll, “Brothers. (heart emoji)”

Si Elijah ay anak ni Meryll sa dating asawang si Bernard Palanca.

Sa kanya namang Instagram Stories, sinabi rin ni Meryll kung kailan niya isinilang ang kanyang bagong supling.

Ayon sa kanya, normal delivery ang panganganak niya at dalawang linggo na ang nakalilipas mula nang magsilang siya.

Saad ng aktres"THROUGHOUT MY PREGNANCY, I WORKED OUT.

"AT 38, I WAS DETERMINED TO GET MY BODY READY FOR GIVING BIRTH.

Continue reading below ↓

"ALL MY HARD WORK PAID OFF. NORMAL BIRTH DELIVERY.

"I'M PROUD OF THIS.

"2 WEEKS POST-PARTUM."

Meryll Soriano Instagram Stories

Parehong ikinagulat at ikinatuwa ng mga kaibigan at tagahanga ni Meryll ang magandang balita niya nitong Bagong Taon.

Hindi kasi nalaman na publiko na nabuntis pala ang 38-year-old actress at nagsilang ng malusog na sanggol.

Continue reading below ↓

Isang taong nagkarelasyon sina Meryll at Joem matapos nilang magkatrabaho sa ABS-CBN series na I Love Betty La Fea taong 2008 hanggang 2009.

Ngunit naghiwalay ang dalawa matapos ang isang taon.

Huling bahagi ng 2019, umugong ang balitang muling nagkakamabutihan ang dating magkarelasyon.

Lalo pang uminit ang tungkol sa kanilang pagbabalikan nang lumutang ang hiwalayan ni Joem at ng dating live-in partner nitong si Crisha Uy.

Unang bahagi ng 2020, pilit na umiiwas si Joem sa tanong ukol sa kanila ni Meryll.

Hanggang nito lamang unang araw ng 2021, kinumpirma mismo ng aktres ang kanilang nabuong bagong ugnayan.

HOT STORIES

Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika

Read Next
Featured
Latest Stories
Trending in Summit Media Network

Featured Searches:

Read the Story →
Diamond Star Maricel Soriano (left) carries her two-week old nephew, Meryll Soriano's (right) baby with boyfriend Joem Bascon.
PHOTO/S: Courtesy: @planetumeboshi on Instagram
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results