Sinampahan ng kasong acts of lasciviousness si Vhong Navarro dahil sa insidenteng sekswal na pang-aabuso niya umano kay Deniece Cornejo.
Naganap ang sinasabing insidente noong gabi ng January 22, 2014 sa condo unit ng dalaga sa Taguig City.
- Vhong Navarro camp insists Deniece Cornejo swore twice that "Mr. Navarro did not rape her"
- Kampo ni Deniece Cornejo, naiinip na sa pagra-raffle ng rape case ni Vhong Navarro
Ang presiding judge na si Judge Angela Din ng Metropolitan Trial Court ng Taguig City ang nagsabing may “probable cause” para litisin ang kaso.
Pinatawan ng piyansang PHP36,000 si Vhong, base sa resolusyon noong September 15, 2022.
Boluntaryong sumuko si Vhong ngayong Lunes, September 19, 2022.
Kasama ng kanyang legal counsel na si Alma Mallonga, humarap sa korte at nagpiyansa ang Kapamilya actor-TV host.
Nanindigan ang kampo ni Vhong na walang katotohanan ang bintang sa kanyang sekswal na inabuso niya si Deniece.
Sa opisyal na pahayag ni Atty. Mallonga, inulit niya ang timeline of events na naganap sa pagitan nina Vhong at Deniece.
Ipinunto ng abugada na nakunan ng CCTV si Deniece na sakay ng elevator isang minuto matapos nakalabas si Vhong sa elevator papunta sa condo unit ng dalaga.
Ani Mallonga (published as is and itals provided), " After she enters the elevator, she is smiling, even apparently suppressing giggles, as she looks at her reflection, making it clear she was not a victim of rape, attempted rape, or acts of lasciviousness.
"Ms. Cornejo’s rape complaint was DISMISSED. She, along with other accused, was charged with Serious Illegal Detention and Grave Coercion. Trial has been ongoing with respect to the Serious Illegal case, and she was convicted along with Mr. Cedric Lee of Grave Coercion in 2018."
Ibinasura ng Office of the Prosecutor ng Taguig at Secretary ng Department of Justice ang reklamong rape ni Deniece laban kay Vhong noong 2014.
Binaliktad ng Court of Appeals ang desisyong iyon nitong July 2022.
Hindi naman maintindihan ng legal counsel ni Vhong ang pag-akyat ng kaso sa Taguig court nang wala pang final resolution ang Court of Appeals kunsaan may nakabinbing motion for reconsideration ang kampo ni Vhong.
Sa kabilang banda, hanggang sa kasalukuyan ay nililitis pa rin sa korte ang kasong serious illegal detention na isinampa ni Vhong laban sa grupo nina Deniece at Cedric Lee.
Ito ay kaugnay ng pambubugbog at pangingikil umano ng grupo nina Deniece at Cedric kay Vhong.