Ecstatic ang former Viva Hot Babes member at FHM Philippines Sex Guru na si Asia Agcaoili dahil sa TV commercial na ginawa niya sa New Zealand na may pamagat na "Unstoppable Summer."
Ipinagmamalaki ni Asia na naging bahagi siya ng TV ad na ginagamit na kampanya ng New Zealand government laban sa coronavirus pandemic at ipinapalabas sa lahat ng TV channels sa New Zealand.
Sampung taon nang naninirahan si Asia sa New Zealand.
Sa matagal na panahon, ang "Unstoppable Summer" ang kanyang unang project magmula nang mag-migrate siya sa nasabing bansa.
A scene from "Unstoppable Summer"
Labindalawang taon na ang nakalilipas buhat nang iwanan ni Asia ang Philippine entertainment industry.
Ngayong lumabas na sa New Zealand ang TV ad na kasama siya, lalong tumindi ang ambisyon ng dating sexy star na ma-penetrate ang showbiz industry ng kanyang second home country.
"I’m so proud of this commercial," sabi ni Asia.
Hinihimok niya ang lahat na makiisa sa paglaban sa COVID-19.
"From someone who narrowly evaded death several times, health is wealth. Let’s all be safe than sorry. We can do this guys! Hang on!
"To all my friends all over the world, I am one step away from seeing/hunting Legolas!!! Dream big. It’s free!!”
Happily married si Asia sa kanyang asawa na si Bram van der Kolk. Labing-isang taon na ang kanilang nag-iisang anak na lalake na si Xander.
Gaya ng ibang mga miyembro ng Hot Babes na hindi na aktibo, miss na miss ni Asia ang Philippine showbiz.
