Natuwa si Kim Molina nang malaman nito na magkakaroon na ng VivaMax Middle East.
Ito'y dahil sa kanyang mga kamag-anak na naninirahan dito na mabibigyan ng pagkakataon na mapanood ang mga pelikula niya gaya ng Ang Babaeng Walang Pakiramdam.
Si Kim ang lead actress ng Ang Babaeng Walang Pakiramdam at ang kanyang real-life boyfriend na si Jerald Napoles ang kapareha niya.
Nagpapasalamat si Kim dahil natapos ang shooting nila ni Jerald para sa nabanggit na pelikula bago nagdeklara ng Enhanced Community Quarantine (ECQ) sa Luzon noong March 2020.
Sa recent launch ng VivaMax Middle East, ikinuwento ni Kim na nahirapan siya sa karakter na ginampanan niya sa Ang Babaeng Walang Pakiramdam.
“Yung title niya ay Babaeng Walang Pakiramdam pero ang dami ko pong naramdaman during the shoot, sari-sari po.
“Iyakan kami ni Direk Darryl sa totoo lang, dahil may mga bagay na akala ko, hindi ko kayang gawin pero ipinagawa po niya sa akin," banggit niya kay Direk Darryl Yap, ang direktor niya sa pelikula.
“Ang hirap kaya na umarte ng walang pakiramdam!
"Physically, mahirap din siya. Kailangan ko na ma-overcome yung fear sa isang bagay na nagawa ko naman sa movie.
"Very technical siya pero masaya. Isa siya sa mga pinakamasaya na karakter na ginawa ko.”
Ang upcoming movie ni Kim ang isa sa mga dapat abangan sa VivaMax ng ating mga kababayan sa United Arab Emirates at sa buong Middle East.
Si Zain Mirza ang co-CEO ng VivaMax Middle East. Siya ang nagsabing bagong oportunidad para sa mga Pilipino sa Middle East ang naturang streaming platform.
“Our goal is to redefine the audience viewing experience by making sure the products that we turn out are not your usual cinema and free TV affair.
“We’re seeking to advance the needle in terms of creating quality content while at the same time, making sure that the content that we produce are truly enjoyable and binge-worthy,” ani Mirza.