Nagdiwang si Billy Crawford ng kanyang 39th birthday noong May 15, 2021 sa pamamagitan ng guesting ng misis niyang si Coleen Garcia sa game show niya sa TV5 na The Wall Philippines.
Sa naturang episode, napaluha si Billy nang magbigay ito ng mensahe para sa mga bumabatikos sa kanya at nagsasabing hindi siya karapat-dapat maging asawa ni Coleen at ama ng kanilang anak na si Amari.
Month-long birthday celebration ang inihanda ng production staff ng The Wall Philippines para sa kaarawan ni Billy.
Ngayong gabi, May 22, ang kanyang mga malalapit na kaibigan namang sina Kris Lawrence at Jay-R ang mga celebrity player.
Ayon kay Kris, nag-umpisa ang pagkakaibigan nila ni Billy noong 2007 dahil sa passion at pagmamahal nila sa musika.
“Music ang naging reason kaya nag-bond kami ni Billy. Nagsimula rin ang friendship namin when I guested in his concert at Araneta Coliseum.
“Billy is a true friend. He’s always the one making us laugh when we’re together. He’s Bully Crawford!” kuwento ni Kris tungkol sa labing-apat na taong pagkakaibigan nila ni Billy.
Sinabi ni Kris na hindi lamang mabuting kaibigan si Billy dahil mapagbigay rin ito.
Marami nang naibigay si Billy sa kanya pero hindi niya makalimutan ang sorpresang natanggap mula sa TV host-singer.
“Maraming unforgettable kindness si Billy, pero memorable sa akin nung binigyan niya ako ng ‘ARAI’ motorcycle helmet worth P45,000 with matching leather Motorcycle jacket worth P30,000.”
Ano ang ugali ni Billy na hindi alam ng publiko at ano ang karakter niya na ayaw mo pero tanggap mo?
"Ututin siya!" natawang sagot ni Kris tungkol sa ugali ni Billy na lingid sa kaalaman ng publiko.
Pero wala raw siyang masasabi na ugali ng kanyang kaibigan na ayaw niya.
Ano ang birthday message niya para kay Billy?
“Enjoy fatherhood especially the first couple of years because it goes by FAST!” maagap na sagot ni Kris.
“Cherish all the moments that you can with Amari. Kiss him, hug him, carry him while you can. Happy Birthday my brother!”