Kahapon, May 22, ang poster launch ng A Girl + A Guy, ang UPSTREAM Original at launching movie ng newcomers na sina Rob Gomez at Alexa Miro.
Bukas naman, May 24, ang official trailer launch nito.
Masuwerte sina Rob at Alexa dahil mga bida agad sila sa kanilang unang pelikula na mula sa direksiyon ng award-winning filmmaker na si Erik Matti.
Si Matti ang nagkusang bigyan ng R-18 classification ang A Girl + A Guy dahil sa mga maseselang eksena.
Itinuturing nina Rob at Alexa na "wildest movie" ang A Girl + A Guy sa panayam sa kanila ng Spotlight noong April 10, 2021.
Pumukaw sa interes ng mga tao ang intriguing at titillating posters ng A Girl + A Guy dahil ang mga binti ng mga bida, shorts, at underwear lamang nila na nakababa ang makikita, hindi ang mga mukha nina Rob at Alexa.
Ayon kay Direk Erik, “A Girl + A Guy is unlike any movie I’ve made.
"Borne out of trying to understand how the new generation would think, I decided to make a film that will hopefully help me figure out what makes them tick. No judgment, no sermon.
“I wanted to tell their story exactly how they would react to this harsh world they have now.
"It’s not easy setting aside my old fashioned scruples just to make sure I bring out an honest depiction of the choices a girl and a guy makes to keep their sanity intact.
"I hope our movie hits a nerve with this generation of 20-somethings."
Magsisimula sa June 24 ang streaming ng A Girl + A Guy sa UPSTREAM.ph.