Inilabas ng GMA-7 ngayong Martes, June 29, ang intriguing teaser tungkol sa award-winning actress na malapit nang maging Kapuso.
“AN AWARD-WINNING ACTRESS WILL SOON BE A KAPUSO!” ang no-brainer teaser ng GMA Network Inc.
Si Bea Alonzo ang hula ng karamihan sa identity ng aktres na malapit nang maging miyembro ng Kapuso Network.
No-brainer ito dahil makikita sa teaser ang naghuhumiyaw na hint na "BE A KAPUSO."
Nagsimula ang mga espekulasyong lilipat si Bea sa GMA Network dahil sa pelikulang gagawin nila ni Alden Richards, ang A Moment to Remember.
Philippine adaptation ito ng 2004 South Korean movie na halaw mula sa 2001 Japanese television series na Pure Soul.
Co-production venture ng Viva Films at GMA Pictures, ang movie company ng GMA Network Inc., ang A Moment to Remember na sisimulan ang principal photography sa susunod na buwan.
Noong nakaraang buwan, kumalat ang balitang may negosasyong nagaganap sa pagitan ng kampo ni Bea at ng GMA-7 management. Pero hindi ito nagkaroon ng kumpirmasyon dahil tahimik ang magkabilang-panig.
Ikinalungkot ng ilang mga empleyado ng ABS-CBN ang paglutang ng balita tungkol sa posibilidad na paglipat ni Bea sa GMA-7.
Nangangahulugan kasi ito ng tuluyan nang pag-alis ng aktres mula sa mother studio nito na nagpasikat sa kanya at naging pangalawang tahanan buhat nang magsimula ang showbiz career niya noong 2001 bilang miyembro ng Star Circle Batch 10.
If ever, si Bea ang ikalimang miyembro ng Star Circle Batch 10 na lilipat sa GMA-7. Nauna nang naging Kapuso sina Nadine Samonte, Karel Marquez, Dennis Trillo, at Quezon City District V House Representative Alfred Vargas.
Use these Nike promo codes when you shop or order online. Marami pang ibang coupons dito.