Gumawa ng kasaysayan noong 2015 ang beauty queen na si Ann Colis dahil siya ang kauna-unahanng Pilipina na nanalo ng Miss Globe crown.
Si Pia Wurtzbach ang kasabayan ni Ann sa Binibining Pilipinas 2015 at pareho silang naghatid ng karangalan sa ating bansa.
Si Anne ang unang nanalo ng Miss Globe title sa coronation night na ginanap sa Rose Theater Brampton, Toronto, Canada noong October 8, 2015.
Makalipas ang dalawang buwan, si Pia ang nagwagi bilang Miss Universe sa Las Vegas, Nevada noong December 20, 2015.
Wala nang nabalitaan kay Ann matapos nitong isalin ang Miss Globe crown sa kanyang successor na si Dimple Patel ng India.
Ito ay dahil lumipad na si Ann sa U.S. para subukan ang kapalaran niya sa international modelling scene.
Hindi nabigo si Ann dahil nagkaroon siya ng modelling assignments sa Amerika, pati na sa United Kingdom.
Nabigyan din siya ng pagkakataong maging bahagi ng Ballers, ang American comedy-drama television series na pinagbibidahan ni Dwayne "The Rock" Johnson at ng British comedian na si Russell Brand.
Kuwento ni Ann tungkol sa kanyang propesyon bilang model sa Amerika at Europe, “It’s naturally overall a great experience. It really molded me to someone that is tough, someone that is able to understand more.
"Kasi noong pagdating ko doon, parang I don’t have a family there, I’m just alone. Kailangan ko talagang maghanap ng reason on how to make things work.
"Masaya siya, I was able to work with a lot of top photographers abroad. So, it’s a great experience for me, plus I was able to travel because of work."
Ang kanyang pagiging international model ang naging instrumento para magkaroon siya ng special participation sa Ballers kaya naranasan niyang magtrabaho sa Paramount Pictures studio.
“Ang role ko was part of the crew of Russell Brand. Masaya siya, kinilig nga ako nang mag-hi sa akin si Dwayne, and Russell is really a nice actor,” pagbabalik-tanaw ni Ann.
PURE PINAY
One hundred percent Filipina si Ann pero dahil sa kanyang hitsura, kulay, at height, madalas na napagkakamalan siyang Latina beauty sa U.S. at Europe.
“Yes, mas napagkakamalan akong Latina kesa Pilipina. Minsan napagkakamalan nila akong galing sa Brazil or Venezuela and Mexico.
"But I’m 100 percent Filipino, I’m from Mexico, Pampanga," pagpapatotoo ni Ann, na isinilang at lumaki sa Mexico, Pampanga.
Marami ang nagsasabing pwedeng-pwedeng maging representative ng Pilipinas si Ann sa Miss Universe dahil qualified pa siya sa age requirement.
Pero nagsalita nang tapos ang dating beauty queen: “Hindi na po. I’m already done with pageants."
Paliwanag niya, "When I won Miss Globe, actually, Miss World Philippines offered me na parang you should join.
“But I said, I already have a crown and I feel like I’m already good with my crown, plus it’s kinda a big stake as well.
“For example, yes, it’s easy to win the Miss World Philippines or Miss Universe Philippines crown. But then, it’s a big challenge to conquer the international crown.
“What if I join and then I won the local competition but I didn’t win sa international, malo-lost yung Miss Globe title ko na parang walang nangyari."
Sabi pa ni Ann, “At least, by the books, we made history already.
"It’s not as maingay like the other beauty pageants but I’m already okay with that because it’s one of the turning points in my life. It opened a lot of opportunities for me.
"I think I’m already contented with what I achieved when it comes to pageantry."
Bumalik si Ann sa Pilipinas para subukan ang kanyang kapalaran sa entertainment industry.
Pumirma siya ng exclusive contract sa Virtual Playground, ang talent management agency ng Reality Entertainment Inc. producer na si Dondon Monteverde at ng businessman na si Charlie Dy, na kapwa nakita ang malaking potensiyal ni Ann bilang aktres.
“I’m just lucky I met Sir Dondon and Sir Charlie,” sabi ni Ann.
Hindi raw natatakot si Ann na tumanggap ng sexy roles dahil desidido siyang ipakita ang kanyang acting ability para matupad balang-araw ang pangarap niyang manalo ng best actress award.
Use these MetroMart promo codes when you shop or order online. Marami pang ibang coupons dito.