Guest co-host lamang si Miss Universe Philippines 2014 MJ Lastimosa sa Eat Bulaga.
Pero nagmarka sa mga manonood ang special participation niya dahil sa kanyang lovable, witty, at kikay personality.
Madalas na trending sa social media si MJ dahil sa kanyang Eat Bulaga! stint kaya may mga humihiling na magkaroon ng extension ang paglabas niya o gawin siyang regular co-host ng noontime program ng TAPE Inc.at GMA-7.
Marami ang naaliw sa mga nakakatawang social media post ni MJ nang suportahan at panoorin niya ang pagsali ni Rabiya Mateo sa 69th Miss Universe na ginanap sa Hollywood, Florida noong May 16, 2021.
Nang bumalik si MJ sa Pilipinas, inimbitahan siya bilang celebrity player sa "Bawal Judgmental" ng Eat Bulaga. And the rest is history.
Paano ba nagsimula ang pagiging guest co-host mo sa Eat Bulaga?
Kuwento ni MJ sa Cabinet Files, “I just got back from a long vacation in the U.S. after watching Miss Universe, they invited me to play for 'Bawal Judgmental.'
"And after the taping, they asked if I’m willing to be a guest host for a week. Of course, it’s a yes, it’s definitely a dream of mine."
MJ with Eat Bulaga! hosts Allan K. and Paolo Ballesteros
Naging kumportable agad si MJ sa Dabarkads ng Eat Bulaga. Ni minsan, hindi niya naramdamang out of place siya kaya isa ito sa kanyang mga hindi malilimutang karanasan.
“The best! Even more fun than the kind of fun I expected.
"Sobrang sarap kasama ng buong Eat Bulaga! family—from hosts down to the staff and crew.
“I have an unexpected closeness with the EB hosts. I thought maa-out of place ako. After a few days, I felt like a part of the family na agad.
“We have to stay-in kasi if we will be working for a few days, then we have to lock-in. But it also helps na ma-familiarize ko rin yung work.”
Ano ang reaksiyon mo na palaging trending sa social media ang paglabas mo sa Eat Bulaga?
“Hahaha! Frend!!!! Dazerve, chos!” ang mala-babaeng bakla na sagot ni MJ.
Seriously speaking, marami raw natutunang aral si MJ bilang guest co-host ng Eat Bulaga. Malaking oportunidad para sa kanyang maging bahagi ng program dahil nakita rin ng televiewers ang natural ability niya sa pagpapatawa.
“Nahahasa yung quickness to think on your feet kasi hindi naman lahat nakasulat sa teleprompter and, at the same time, how to connect to the guest players and co-hosts.
“Sobrang grateful ako and truly blessed that I still get to work in these trying times. I’m kind of introvert so laging I need to adjust sa mga tao na hindi ko ka-close.
"Pero dati pa naman, kapag mga kaibigan ko na, I’m always kalog and funny and, I guess, inilabas ‘yon for me on TV ng Eat Bulaga.”