Bago nalaman ng celebrity photographer na si Raymund Isaac na positibo siya sa COVID-19, nakapagpakasal muna sila ng kanyang longtime companion na si Jayson Vicente sa Las Vegas, Nevada, noong July 15, 2021.
Isa sa mga dumalo sa same-sex wedding nina Raymund at Jayson ay ang former singer na si Jerome John Hughes.
Hiningi ng Cabinet Files ang permiso ni Jerome para magamit ang litrato nila ng bagong kasal, na ayon sa kanya ay isang okasyong masaya.
Sa larawang ibinahagi ni Jerome sa Instagram ay kasama niya sina Jayson at Raymund, na identical suits ang suot sa araw ng kanilang pag-iisang dibdib.
Caption ng dating singer: “I want to remember that most amazing day in celebrating your nuptial… you told me how happy you are to finally marry Jayson… your smile was indescribable… saw how truly happy you were… I’m just blessed to have witness your special day… until we see each other again… may you rest in heaven my dear friend."
Dalawang araw bago pumanaw si Raymund sa California Pacific Medical Center sa San Francisco, California, ibinahagi ni Jayson sa Instagram account nito ang pagpapakasal niya kay Raymund.
Kalakip nito ang larawan ng kanilang mga kamay na suot ang wedding rings nila.
“My love to you Raymund Isaac and our faith to God is my strength. I know how excited you are to share this news to our love ones & friends so I’m sharing this now as your proud husband. I love you my Menmen,” pahayag ni Jayson tungkol sa litrato ng mga kamay nila ni Raymund.
Mula nang isugod sa ospital si Raymund noong July 24, naging mapagbigay si Jayson sa pagbabahagi tungkol sa kalagayan ng kanyang pinakamamahal na asawa.
Ito ay kahit hindi sila magkasama dahil sa COVID-19 protocols ng pagamutan, pero regular ang kanilang pag-uusap sa telepono.
Sa kanyang Facebook post noong August 16, muling humiling si Jayson ng panalangin para kay Raymund, na naka-confine na sa ICU ng ospital.
“Raymund/ my Menmen is still in the ICU, intubated & sedated. I receive daily updates from his nurses, since he is not allowed visitors.
“Though his general condition is stable, we pray that his O2 levels improve consistently so he can be extubated soon.
“Hindi po ako magsasawang makiusap. Please keep him in your prayers. He is still fighting for all of us.”
Sabado ng gabi, September 4, mabilis na kumalat ang balitang binawian na ng buhay si Raymund.
Pero lumipas muna ang maraming oras bago kinumpirma ni Jayson sa social media post nito ang pagkawala ng kanyang pinakamamahal na partner.
Aniya, “My beloved husband. Now my Guardian Angel. I love you Raymund Isaac. You’ll be forever in my heart.”
Pinaniniwalaang maligaya si Raymund sa huling sandali ng buhay nito dahil natupad ang pangarap niyang mapakasalan si Jayson na hindi bumitiw sa kanya, “in sickness and in health, to love, cherish, and to obey, till death did hem apart.”