Si Darryl Yap ang direktor ng Ang Manananggal na Nahahati ang Puso, ang launching movie ng love team nina Aubrey Caraan at Marco Gallo.
Sa unang digital media conference ng pelikula noong September 8, nabanggit ni Darryl na para sa love team nina Nadine Lustre at James Reid ang project. Pero hindi natuloy.
Makalipas ang dalawang taon, sina Aubrey at Marco na ang mga bida.
Noong Biyernes, September 24, muling nagkaroon ng Zoom presscon para sa cast ng Ang Manananggal na Nahahati ang Puso.
Hindi napigilan ni Darryl ang sariling sumagot nang tanungin sina Aubrey at Marco tungkol sa pressure na kanilang nararamdaman dahil para kina Nadine at James ang project na napasakamay nila.
“Sa totoo lang, because I am a writer and I’m from social media, yung mga unang pelikula ng JaDine, galing ‘yan ng Wattpad. So, ako, sinubaybayan ko rin ‘yan.
“Kung paano nagsimula si Nadine at saka si James, mas magaling si Aubrey at saka si Marco sa ngayon na nagsisimula itong dalawa. That’s my opinion.
“Ayoko kasi, magsalita na naman itong mga artista, tapos maku-quote na naman sila ng iba-iba.
"Mamaya, sumawsaw na naman si Kuya Kim [Atienza]. Charot!"
Ang tinutukoy ni Darryl ay ang pagkokomento ni Kuya Kim sa mensahe ni Marco para sa dating ka-love team na si Kisses Delavin.
Patuloy ni Darryl, “Ang pinakamasasabi ko diyan, Nadine and James were never brought up sa shoot namin.
"Never kong narinig sa dalawang ito na, ‘Naku, galingan natin.’
“Never kong sinabi sa set na, 'O, galingan niyo. This project was intended for Nadine and James.' We don’t have that.
“And the reason why I shared the fact is because I was asked kung ito ba yung dapat gagawin ni Nadine, and I was told by the bosses it was.
"So, sinabi ko lang. Not for anything else," paliwanag at depensa ni Darryl sa nangyayaring pagkukumpara kina Marco at Aubrey sa JaDine love team nina James at Nadine.
BEKS BATALLION
Para patunayan ang kanyang punto, ginamit ni Darryl na halimbawa ang milyun-milyong followers sa social media ng Beks Batallion, na kasama rin sa cast ng Ang Manananggal na Nahahati ang Puso.
Saad niya, “Beks Battalion, correct me if I’m wrong, but you have how many million followers in Facebook? Like, two million [Facebook followers].
“Chad has, like, one million plus on Facebook. And then, on YouTube, they’re going viral. Trending sila sa YouTube, nasa Top 5.
“Hindi ko naman binubuhat ang bangko ko, but when I was very active on YouTube, nagte-trending ako, nagna-number one ako sa YouTube during my time.
“And now, with six million followers ng page ko, ng Vincentiments, with the convergence of Beks Battalion, tapos yung husay ni Aubrey at saka ni Marco, nakakapeste lang na sasabihin na nakiki-ride on lang kami sa JaDine.
“Well, sa palagay ko, hindi na sila ganoon kaingay ngayon, and this is just my opinion. We are not riding on any fandom, especially Chad na very JaDine fan.
"Nahe-hurt ‘yan kapag sinasabing ginagamit ni Aubrey si Nadine, ginagamit ni Marco si James, walang ganoon.
"We never thought of it," malumanay pero tiyak na magiging kontrobersiyal na pahayag ni Darryl.
Hindi raw natatakot si Darryl na maging biktima ng mga batikos dahil sanay na siya.
Saad niya, “And sometimes, when people ride on the issue and hurt the artist that I am working with...
"Marco is more than an artist. Marco is a dear friend.
"So, when people bashed him and say something like that, it kinda irritates me.
"And just to set the record clear, I myself, kaya ako nasasabihan na mayabang because I’m always straight to the point. We don’t need any fandom to actually promote a movie.
"This is the best that I have done so far.
"Siguro, yung best ko, basura pa rin sa iilan. Or siguro, yung best ko, basic or mediocre para rin sa nakararami.
"Pero this project is very close to my heart. Ito yung masasabi kong unang film ko na direktor na direktor talaga ako."