Ang erotic movie na Eva na pinagbibidahan nina Angeli Khang, Marco Gomez, at Ivan Padilla ang unang directorial project sa Viva Films ng singer-director na si Jeffrey Hidalgo.
Sa naganap na virtual media conference ng Eva noong Miyerkules, November 24, sinabi ni Jeffrey na gustung-gusto nito ang erotic genre ng kanyang pelikula.
Ikinuwento rin ni Jeffrey sa entertainment writers ang sinabi ng kanyang manager na siya ang susunod na Zalman King, ang namayapang American actor-director na nakilala noon sa paggawa ng erotic films tulad ng Wild Orchid at 9 ½ Weeks.
"Parang ang sabi niya, 'Yun ang positioning natin, ikaw na yung next Zalman King.'
"Napag-uusapan namin ‘yan and we really want, in a way, to elevate, that genre and hopefully, it starts with Eva,” ang walang kakaba-kabang sabi ni Jeffery.
Naniniwala ang singer-turned-director na ang Eva ang sexually bravest material na mapapanood sa Vivamax, kahit sinabi niyang tagahanga siya nina Roman Perez Jr. at Law Fajardo, ang mga direktor na mas nauna sa kanyang gumawa ng successful erotic contents para sa streaming platform ng Viva.
Pahayag niya, "So far, this would have to be the sexually bravest material of Vivamax. Kasi nga, yung mga erotic films nila, sidebar lang yung sex scenes and stuff. Ito talaga, it’s really about sex.
"It’s 2021. I think, it’s about time to really explore and talk about it and put it on the forefront.
"I think, there’s no shame in talking about it because, ang feeling ko, kami yung nangahas to open up the topic for everyone else.
"I think it’s about time that we educate the audience and give them something more intelligent, even though it’s about sex, it’s not just all about sex. It’s all about the psychology of Eva. It’s about sexual politics and stuff.
"Yun ang mga bagay na malalaman nila when they watch the whole film.
"Ang whole objective namin with releasing teasers and trailers is for them to get watch the film. Sana ma-realize nila yung lalim at saka yung message na gusto rin naming ibigay sa mga tao."
Mapapanood ang Eva sa Vivamax simula sa Christmas eve, December 24.
Ani Jeffrey, "We’re giving everyone an alternative Christmas, Christmas Eva on Christmas Eve.
"I think yung slant namin is papainitin namin ang inyong mga Pasko.
"Nagulat din ako na December 24 talaga yung playdate namin but, I guess, okay naman siya. Maganda [na] mapag-uusapan din."
Nakiayon sa sinabi ni Jeffrey si Marco Gomez nang sabihin nitong paiinitin ng pelikula nila ang pamilya at mga kaibigan niyang naninirahan sa Europe.
Sa mga hindi nakakaalam at hindi pa nakakakilala kay Marco, lumaki siya sa Vienna, Austria pero umuwi sa Pilipinas dahil sa kanyang pangarap pumasok sa entertainment industry.
"Christmas gift ko sa families and friends ko sa Europe kasi siyempre, December 24, winter na tapos snow pa.
"Sabi ko, 'May malupit akong Christmas gift sa inyo. Hindi niyo na kailangan ng heater sa bahay niyo. Sobrang init ng movie na’to, malupit ito. Panoorin niyo. Yum yum yum!" ani Marco.