Tinupad ni Dingdong Dantes ang pangakong ipakikilala nito ang alternate o ang aktor na gumanap na stand-in niya sa kanyang mga eksena sa AlterNate, ang episode ng I Can See You, ang drama anthology ng GMA-7 na magwawakas sa darating na Biyernes, February 4, 2022.
Sa virtual media conference ng AlterNate noong December 2021, kinilala ni Dingdong ang mga kontribusyon sa programa ng stand-in actor sa kanyang dual role.
“Napakahusay and I respect him so much and excited na excited ako na maipakilala siya sa inyo soon!” sabi ni Dingdong.
Read: Dingdong Dantes, nagbigay-pugay sa stand-in actor niya sa AlterNate
Sa huling Lunes ng gabi, January 31, sa telebisyon ng AlterNate, pormal na ipinakilala ni Dingdong si Dion Ignacio.
Naganap ang pagpapakilala ni Dingdong sa StarStruck Season 1 alumnus sa panayam sa kanila ng 24 Oras showbiz reporter na si Nelson Canlas.
Sabi ni Dion, “Ginaya ko yung hair [hairstyle ni Dingdong] para siyempre, kapag may mga shot na nakatalikod at side view, yun ang importante.”
Si Dion ang napili bilang stand-in actor ni Dingdong sa AlterNate dahil halos magkapareho ang height at ang tikas ng kanilang mga katawan.
Hindi madali para kay Dion ang maging double ni Dingdong dahil kailangan niyang tandaan ang kanyang mga ikinilos sa bawat eksena nila na magkasama.
Bago pa nangyari ang pagsisiwalat ni Dingdong tungkol sa kanyang double sa AlterNate, marami na ang nagduda na si Dion ang stand-in actor niya.
Ginamit na basehan ng netizens ang Instagram post ni Dion noong December 13, 2021, ang larawan niyang may strong resemblance kay Dingdong.
Nasubaybayan ni Dingdong ang pagsisimula ng showbiz career ni Dion dahil siya ang host ng StarStruck, ang reality-based artista search na sinalihan noong 2003 ng kanyang stand-in actor sa AlterNate.
Mahusay na aktor si Dingdong pero tanggap nitong hindi niya mapapantayan ang galing ni Dion sa roller blades at ito ang kanyang sinabi sa magkasabay na interbyu sa kanila sa 24 Oras.
DINGDONG PAYS TRIBUTE TO DION
Sa pamamagitan naman ng Instagram, nagbigay-pugay si Dingdong kay Dion sa pagpayag nitong maging alternate niya sa AlterNate.
Pahayag niya: "Having been in the industry for a long time, one important lesson I’ve learned is that acting is mostly reacting - reacting to certain stimulus, from ever-changing atmospheres and emotions with your co-actors.
"Dion delivered more than what this show has asked for him. He was very committed and passionate on his role. He also went through all the steps I had gone through in creating these characters with me. Sometimes I even get tips from him whenever he wears the Nate and or Michael hat.
"I honestly felt like this show is impossible to mount without an actor like him. And I think for a person to succeed in this industry, a good working attitude would trump talent any given day. Dion has both.
"So happy to have been his twin and literal “alternate” even in this short period of time. Excited for your future endeavors, bro!"