Medyo nagulat ang award-winning director na si Denise O’Hara nang tanungin ito tungkol sa butt exposure scene ni Diego Loyzaga sa The Wife, ang pelikulang siya ang direktor at sumulat ng kuwento.
Si Diego ang lead actor ng The Wife. Napapayag siya ni Denise na gawin ang mapangahas na eksenang hindi niya ginawa sa Death of a Girlfriend, ang sexy-thriller-drama movie nila ni AJ Raval.
“Ahh… hindi kasi… wala siyang ano…” sabi ni Denise, na tila naghahanap ng wastong salitang gagamitin habang natatawa sina Louise at Diego sa narinig na tanong.
“Hindi naman siya sapilitan saka hindi naman yung pagkakapakita nun, it’s not stark in your face. It’s not like that.
“I mean, I hope ma-appreciate nila yung brand ng sensuality na ipinakita ng movie because it’s different from other sexy films.
“Hindi ito yung sasabihin mo na very graphic. Hindi, e.
"We hope na-achieve namin yung sensuality from a prespective ng babae,” paliwanag ni Denise tungkol sa butt exposure scene ni Diego sa love scene nito kay Cara Gonzales.
Si Denise ang unang female director na nakapagpapayag kay Diego na gawin ang erotic scene, pero iginiit niyang walang kumbinsihang nangyari.
Saad ng direktor, “Hindi siya yung ganoong kumbinsihan.
"I think it just flowed and meron naman kaming understanding with each other na kung papaano ipapakita yun na tasteful, hindi siya… saka hindi naman ganoon. Yun lang ang masasabi ko.”
Para naman kay Diego, hindi siya nahirapang gawin ang mga love scene niya sa The Wife dahil magaang katrabaho si Denise.
“Yung mga love scene, it didn’t feel like parang difficult. She made it very easy to do,” sabi ni Diego.
Malaki ang dapat ipagpasalamat ni Diego dahil sa role na ipinagkatiwala sa kanya ni Denise na sumubok sa husay niya bilang dramatic actor.