Si Niño Alejandro, na itinago ang katauhan sa likod ng maskara at costume ni Portobello (mushroom), ang nagpaalam sa Season 2 ng Masked Singer Pilipinas ngayong Sabado ng gabi, May 28, 2022.
Pero matapos kumanta at bago niya ipinakilala ang sarili, tinanong muna ni Matteo Guidicelli ang kanyang kapwa judge detectives na sina Kim Molina at Cristine Reyes kung sino ang "fantasy sa Pilipinas" ng dalawang aktres.
“Jerald Napoles!” mabilis na sagot ni Kim, na girlfriend ni Jerald.
Reaksiyon ni Cristine, “Alam mo, mahirap akong tanungin kasi I’m still healing.”
Hindi na nagbigay ng detalye ang aktres tungkol sa personal na isyung pinagdaraanan niya. Pero hindi kailang hiwalay na si Cristine sa kanyang asawa na si Ali Khatibi.
Read: Cristine Reyes finally breaks silence on rumored separation from Ali Khatibi
Nang marinig ni Bayani Agbayani ang sinabi ni Cristine, nagsalita ang komedyante ng “Uy, single na si Rayver [Cruz] ngayon uli, ah?”
“Talaga?” sagot ni Cristine na sinundan nito ng malakas na halakhak.
Gulat na gulat naman si Aga Muhlach na nagtanong dahil hindi nito alam na nagkaroon noon ng relasyon ang aktres at si Rayver.
Read: Cristine Reyes and Rayver Cruz confirm their breakup
Pakiusap ni Cristine, “Nananahimik yung buhay ng tao, guys, huwag ninyong istorbohin,”
Depensa naman ni Aga, “Hindi! Hindi ko alam. Hindi ko alam! Narinig ko sabi niya [Bayani].”
Apparently, hindi updated si Bayani dahil hindi niya alam na nauugnay sa kasalukuyan si Rayver sa All-Out Sundays co-host nitong si Julie Anne San Jose.
Read: Rayver Cruz tells Julie Anne San Jose he's willing to wait for her
At any rate, si Aga ang nakahula na si Niño ang singer na gumamit ng mushroom mask.
Nagpasalamat si Niño dahil naging bahagi siya ng reality singing competition ng TV5 na paborito ng kanyang anak.
Saad ng singer, “Si Portobello has become a part of me. Tama yung sinabi ni Aga na ang sarap nga ng feeling na kumanta sa loob kasi you just be yourself.
“I really want to thank everyone for the opportunity to do this. My daughter is a big fan of both the U.S. and Philippine version that’s why I did this for her.
"Thank you so much guys. I had so much fun.”
Hindi na umabot si Niño sa pagsisimula ng semi-finals ng Masked Singer Pilipinas sa June 4 dahil natanggal na siya sa naturang programa nang matanggap niya ang pinakamababang boto.