Kahit humingi na ng paumanhin ang management ng advertising company na Digital Out Of Home PH, hindi pa tapos ang paghihimutok ni Lauren Greenfield.
Si Greenfield ang American filmmaker na direktor ng The Kingmaker, ang documentary movie tungkol sa dating Unang Ginang na si Imelda Romualdez-Marcos.
Ang Digital Out Of Home PH ang responsable sa giant "Happy 93th Birth Day" greeting para kay Marcos na nagdiwang ng 93rd birthday noong Sabado, July 2, 2022.
Si Greenfield ang nagmamay-ari sa larawan ni Marcos na ginamit sa LED billboard na nakalagay sa south wall tower ng GA Towers sa EDSA, Mandaluyong City.
Nagreklamo siya dahil walang humingi sa kanyang pahintulot para gamitin ang kontrobersiyal na larawan.
Read: Giant billboard sa EDSA para sa "93th birthday" ni Imelda Marcos, gumawa ng ingay
Agad na naglabas ng public apology para kay Greenfield ang management ng advertising company noong Sabado.
Pero may panibagong reklamo ang American director dahil nakarating umano sa kanyang kaalaman na ginamit din ang larawan na pag-aari niya sa pangalawang billboard sa ibang lugar.
Mensahe ni Greenfield sa pamamagitan ng Twitter: “Upon receipt of our takedown demand, the offending company took it down and published a widespread apology on multiple media sites.
“However, the copyright infringement still occurred, which is serious, and there are now reports coming in of a second billboard using the same image and birthday greeting elsewhere in Manila on the same day, constituting a second copyright infringement.
“Our photo agency, INSTITUTE/Matt Shonfeld, is following up with the company involved. To be continued…
“I have just been notified by friends in the Philippines that my photograph of Imelda Marcos from THE KINGMAKER has been used without permission on a massive billboard owned by a company called Digital Out Of Home PH owned by a Mr. Alvin Carranza, a known Marcos apologist. I have already asked Mr Carranza via FB to take this image down immediately. We will see what happens.”
Ang kontrobersiyang nilikha ng birthday greeting para sa dating Unang Ginang ang nag-udyok sa Cabinet Files na magtanong sa mga advertising authority tungkol sa presyo ng LED o digital billboard ads sa EDSA.
Nalaman naming may traffic count na 501,198 material at 6,120 spots per day na may minimum 255 spots per day ang mga 10-seconder digital billboard ads.
Two hundred thousand pesos (P200,000) ang bayad, VAT inclusive, mula 6 a.m. hanggang 11 p.m. o 17 hours sa 10-seconder LED billboard ad na may sukat na 137.8 feet (height) x 73.5 feet (width).
Base rito, may idea na ang publiko sa halaga ng digital birthday greeting ad para kay Imelda Marcos.