Massive heart attack ang ikinamatay ng comedian na si Carlos “Caloy” Alde sa edad na 60.
Binawian siya ng buhay noong Sabado, July 22, 2022, ayon sa kanyang asawa na si Rhoda Porrel-Alde.
Read: Comedian Caloy "Ogag" Alde dead at 60
“He had a massive heart attack last July 22.
"We rushed him to the hospital kaya lang wala na. They tried to revive him sa hospital pero talagang wala nang electric impulse ang heart niya.
“Two years ago, na-diagnose siya ng congestive heart failure at chronic kidney disease. He has been taking maintenance medicines since then,” kuwento ni Rhoda, isang nurse, sa Cabinet Files tungkol sa karamdaman at pagpanaw ni Caloy.
Ibuburol ang mga labi ni Caloy sa St. Peter Chapels sa Tandang Sora, Commonwealth, Quezon City.
Ililibing siya sa Holy Cross Memorial Park sa Novaliches, Quezon City.
“Sa ngayon, nasa St. Peter na ang katawan niya pero wala pa sa chapel. Inaantay pa kasi namin ang death certificate niya from the hospital,” pahayag ni Rhoda.
Bukod sa kanyang asawa, naulila ng komedyante, na nagpasikat sa karakter na Ogag, ang nag-iisang anak nila na si Julian Marley.
Caloy Alde with wife Rhoda and son Julian Marley
“Ang anak namin ni Caloy just turned 20 last July 23, a day after Caloy’s passing.
"Si Caloy naman, birthday niya this coming Thursday, July 28.
“Ang last TV guesting ni Caloy ay Ang Probinsyano at ang Mang Kepweng ni Vhong Navarro ang huling pelikula na ginawa niya,” dagdag na impormasyon ni Rhoda tungkol sa kanyang namayapang asawa.