Malaki ang posibilidad na isang morning talk show ang unang project ni Mariel Rodriguez-Padilla sa ALLTV, ang television network ng All Advanced Media Broadcasting System (AMBS).
May plano ang ALLTV management na pagsamahin si Mariel at ang aktres na dating contract star ng ABS-CBN sa morning talk show na binubuo, pero hindi pa puwedeng ihayag ang pangalan ng huli hangga’t hindi siya pumipirma ng kontrata sa kontrata.
Si Mariel ang pang-anim na personalidad na pinapirma ng kontrata ng AMBS.
Nangyari ang contract signing niya kahapon, September 8, 2022, pagkatapos ng contract signing ni Ciara Sotto.
Read: Ciara Sotto pumirma na rin ng kontrata sa ALLTV
Isinama ni Mariel sa pagpirma nito ng kontrata sa AMBS ang kanyang discoverer at manager na si Boy Abunda.
Mensahe ng TV host, “Thank you so much to ALLTV. I am so excited for the many possibilities.
"Like what Ms. Beth said, ‘Let’s make a beautiful show. Let us make our viewers happy.'
"All I want to do is make people happy."
Ang tinutukoy ni Mariel na "Ms. Beth" ay si AMBS President Maribeth Tolentino, na mainit ang pagsalubong sa kanya nang dumating sila ni Boy sa Mella Hotel, ang lugar na pinagdausan ng kanilang kasunduan.
“Mariel will surely add more fun and entertainment that every viewer, especially moms, can relate to. We are looking forward to working with you, Mariel. Welcome to your new ALLTV family,” mensahe ni Tolentino para sa asawa ni Senator Robinhood Padilla.
Sina AMBS Chief Finance Officer Maryknoll Zamora at AMBS general counsel Atty. TJ Mendoza ang mga saksi sa pagpirma ni Mariel ng kontrata sa ALLTV.
Dumalo rin sa contract signing ang AMBS owner, si former Senate President Manny Villar, at ang kanyang anak na si Camille na naging kaibigan ni Mariel nang magkasama sila bilang mga co-host ni Willie Revillame sa Wil Time Bigtime at Wowowillie ng TV5 noong 2013.
Nakatakdang magbukas ang ALLTV sa September 13, 2022.