Unti-unti nang lumalaki ang ALLTV family.
Ngayong Biyernes, September 9, 2022, pumirma ng kontrata sa ALLTV (AMBS 2) ang dating It’s Showtime host na si Mariel Rodriguez.
Ayon kay Mariel, ito na ang pinakamadaling desisyong kanyang ginawa.
Nagpasalamat din siya kina Las Piñas Congresswoman Camille Villar at sa ama nitong si dating Senate President Manny Villar sa tiwala sa kanya.
Nagkasama sina Mariel at Camille sa Wil Time Bigtime sa TV5 mula 2012 hanggang 2013.
Mensahe ni Mariel sa kanyang Instagram post: “The easiest decision I have ever made. I knew right away I wanted to be part of AllTV. Extremely grateful!!!!
"Thank you soo much AMBS for the trust. @camillevillarofficial @mannyvillar THANK YOU!!! [praying hands emojis]”
Mariel Rodriguez (second from left) with manager Boy Abunda, Rep. Camille Villar, and former Senate President Manny Villar
Nagbigay-pugay rin si Mariel sa manager niyang si Boy Abunda at sa kanyang pamilya na pinahintulutan siyang muling bumalik sa telebisyon.
Saad niya, “To my manager of almost 20 years Tito Boy maraming naraming salamat!!! To my husband, children and my whole family who have given me their blessings… thank you!
"So excited for the infinite possibilities we can do together!!!! [orange heart emojis]”
View this post on Instagram
May maiksi namang mensahe sa Instagram si Manny Villar kay Mariel.
Saad nito, “Your high level of energy and your candid remarks will endear you more to our viewers, Mariel. Our kababayans are looking forward to your show because at ALLTV, Saya All! Welcome to ALLTV! #VillarCreations #ALLTV #AMBS”
View this post on Instagram
Samantala, bumuhos naman ng congratulatory messages ang post ni Mariel sa Instagram.
Kabilang sa bumati sa kanya sina Vice Ganda, Alex Gonzaga, Toni Gonzaga, Karla Estrada, Amy Perez, Neri Miranda, Aiko Melendez, Ruffa Gutierrez, at marami pang iba.
Si Mariel ang ika-anim na personalidad na pumirma ng kontrata sa ALLTV.
Nauna na sa kanya ang dating katrabahong sina Willie Revillame at Toni.
Pati na ang direktor na si Paul Soriano, mamamahayag na si Anthony Taberna, at aktres na si Ciara Sotto.
Sa Lunes, September 13, magsisimula na ang regular programming ng ALLTV sa free TV.