Umuwi ng Pilipinas si Coleen Gracia at ang anak nila ni Billy Crawford na si Amari noong November 5, 2022 dahil dumalo sa isang importanteng okasyon ang mag-ina.
Read: Coleen Garcia still gushing over her Danse avec les stars performance with Billy Crawford
Pero bumalik agad sila sa Paris, France para sa grand finals ng 12th season ng Danse avec les stars, ang sikat na dance competition sa France na napapanood sa television network na TF1.
Ginanap ang final show ng Danse avec les stars nitong Biyernes ng gabi, November 11 (Sabado ng umaga, November 12, sa Pilipinas).
Si Billy ang itinanghal na grand champion kaya maligayang-maligaya si Coleen na buong-buo ang emotional at moral support sa kanyang asawa.
Read: Billy Crawford wins French edition of Dancing With The Stars
Mensahe ni Coleen sa kanyang Instagram post ngayong Sanado: “Words cannot express how PROUD I am of you, my love! Not just for WINNING this difficult competition, but for growing into the person you have become: a kind, humble man who works hard, dreams big for his family, shoots for the stars and makes sure to lift as many people up with him along the way.
“You are an AMAZING person, and I am soooo so blessed that our son gets to look up to you and have you as his Dad. You amaze me every time. I love you, and I’m SO HAPPY for you! You deserve all of this and more.”
Sina Gary Valenciano, Karylle, Diana Zubiri, Ogie Alcasid, Pia Wurtzbach, at Martin Nievera ang ilan sa mga Filipino celebrity na nagpahatid ng mensahe ng pagbati kay Billy.
Bago ang grand finals ng Danse avec les stars, pinasalamatan ni Billy ang lahat, lalo na ang Panginoong Diyos, sa kanyang natanggap na karangalan.
“To God be the glory! Tonight is for You Father! And to all who supported me on this amazing journey, Thank you all!” umpisa ng mensahe ng pasasalamat ni Billy sa kanyang Instagram post.
Patuloy niya, “My love Coleen, my angel of a son Amarai, production [of] dals_tf1 , may amazing new sister Fauve Hautot, all the crew, all my co-contestants, my country, may parents and most of all, thank you to the French public who has been there for me for more than 20 years.
“I’m very emotional today since it’s the last day. From the bottom of my heart, I love you all. Praise Jesus! And keep on trackin’ with me.”
Malaki ang dahilan para pasalamatan ni Billy ang mamamayan ng France na nagpahayag ng kagustuhang siya ang magwagi, kahit iba ang kanyang lahi, dahil nakita nila ang husay niya sa pagsasayaw.
Makikita sa video ng announcement ng grand champion ng Danse avec les stars na hindi namalayan ni Billy na ang pangalan niya ang tinawag kaya natulala pa ang international Filipino star nang sabihin ng kanyang kapareha na si Fauve Hautot na siya ang nagwagi.
Mula sa stage, tumakbo agad si Billy sa audience gallery na kinaroroonan ni Coleen para halikan at yakapin nang mahigpit ang kanyang asawa, na isa sa mga nakakaantig na eksenang nasaksihan sa telebisyon sa pagtatapos ng Season 12 ng Danse avec les stars.
Isa sa mga kasamahan ni Billy sa programa ang lumapit sa kanya, binuhat siya at inilagay sa balikat at ibinalik sa stage para sa awarding ceremony.
