May sagot si Dina Bonnevie sa pagsasalarawan sa kanya ni Alex Gonzaga bilang "artistang matanda" sa "Ano Na Catherine" podcast ng 35-year-old actress na inilabas nito sa YouTube noong December 2022.
Sa naturang podcast, inilahad ni Alex ang trauma na naranasan niya dahil pinagsisigawan umano siya ng isang "artistang matanda" mula ulo hanggang paa.
Lahad ng TV host/actress/vlogger, “I was so traumatized, pinagsisigawan ako ng isang artistang matanda…
"Pinagsisigawan niya talaga ako from head to foot, everything, kasi akala niya galing ako sa bahay late lang ako, hindi niya alam na galing ako sa work, kasi siguro hindi sinabi sa kanya.
“And then, after how many years, she’s painting me as the bad guy, na deserve ko.
"Yung pinapanood ko, 'I think hindi ako yan,' pero parang yung kuwento ko ang sinasabi niya, pero mali yung kuwento niya.
“Di ba, may mga ganun? May mga tao na who did you wrong, or who traumatized you, and then you don’t even talk about it, parang you would just let it be.
"And then, pag sila pa ang nagkuwento, sila pa yung mabait, ikaw pa yung masama, parang ibang-iba na yung kuwento.”
Read: Is Alex Gonzaga referring to Dina Bonnevie as the "artistang matanda" who scolded her on the set?
Sa live guesting ni Dina sa Fast Talk with Boy Abunda nitong Miyerkules, January 31, 2023, iginiit ng seasoned actress na walang katotohanang pinagsisigawan niya si Alex mula ulo hanggang paa.
Ito raw ang kanyang ikinainis, hindi ang pagtawag sa kanya na artistang matanda.
Saad ng beteranang aktres, “Hindi rin totoo na pinagsisigawan ko [siya] ng ulo hanggang paa.
"Kasi yung setting namin, nasa simbahan. There was a chapel there, it was somewhere in Antipolo.”
Nanindigan si Dina na hindi siya nainsulto sa "artistang matanda" na pahayag ni Alex.
“Yung mga tao ang nagsasabi, ‘Sagutin mo na, ang bastos, tinawag kang matanda!’
“Actually, hindi ako na-offend na tinawag akong matanda.
"It’s true, matanda na ako. I’m 61.
"But I’d like to see people at 61 if they’re still looking fresh.
"Sorry, but I feel fresh, and I think I look fresh, di ba?
“Hindi ako na-offend dun."
Pagpapatuloy na kuwento ni Dina, "Isa pang sasabihin ko, nag-guest ako dun [Lunch Out Loud], and then okay kami.
"Kaya ako nagulat na bakit dumating na parang 'matandang artista' and 'when you’re painted as the bad guy'?
“Parang for me, dun ako nainis, kasi painting you as a bad guy and inventing stories to make you look bad.
"I wasn’t inventing stories.
"But that’s past. It’s changed.
"Nagbago naman siya bago matapos yung taping. Okay, hindi ako galit sa kanya.”
Ang tinutukoy na "taping" ni Dina ay ang pinagsamahan nilang teleserye ni Alex sa TV5 noong 2011, ang P.S. I Love You, kung saan kinumpronta niya si Alex dahil sa pagiging unprofessional nito.
Read: Dina Bonnevie details past confrontation with Alex Gonzaga: "It didn’t come naman without reason."
Nagkusa na rin si Dina na magsalita tungkol sa video nila ng waiter na may hawak ng cake nang magdiwang siya ng 61st birthday noong January 27.
Lahad niya, “ Actually, si Astrud [her make-up artist] ang nag-post. Kasi at that time, di ba, nandoon na yung cake, tapos... ganunan, yung mga tao parang nanunukso.
“Paano, yung waiter, natatakot na siya. Sabi ko, 'No, no! I won’t put cake on your face…'
"Parang joke na lang yon, sige i-post mo. It was a joke.
"But I didn’t intend to hurt. If I hurt Alex’s feelings because na-post yon, sorry, pero it was a joke. We were just having fun noong birthday ko."
Iniuugnay ang insidenteng ito sa kinasangkutang kontroberisya ni Alex kung saan pahiran niya ng icing ng cake sa mukha ang isang waiter sa kanyang birthday salubong noong January 15, 2023.
Read: Ika-35 kaarawan ni Alex Gonzaga, nabahiran ng isyu dahil sa pagpahid niya ng cake sa noo ng waiter