Nag-umpisa na ang shooting nina Vilma Santos at Christopher de Leon para sa kanilang reunion movie, ang When I Met You In Tokyo na dating may working title ng So In Love With You.
Unang inanunsyo ng Star for All Seasons na muli silang magtatambal ni Christopher sa isang pelikula nang ipakilala siya bilang celebrity ambassador ng Angkas, ang popular ride-hailing platform noong February 27, 2023.
Sinabi niya rin doon na kukunan ang kanilang mga eksena sa Japan.
Nangyari na ang kuwento ni Vilma dahil nagpunta sila ni Christopher sa Japan nitong Holy Week para sa pagsasapelikula ng When I Met You In Tokyo.
“Happy Easter! We are still here in Japan, shooting pa rin,” ang mensahe ni Vilma nitong Linggo, April 9, nang kumustahin namin siya.
Kasama sa cast ng When I Met You In Tokyo sina Darren Espanto at Cassy Legaspi pero nauna nang nag-shooting ang dalawa ng kanilang mga eksena sa Pilipinas noong February 25, 2023.
Incidentally, inilunsad ni Vilma at ni Angkas CEO George Royeca ang campaign video ng Safe and Reliable Transportation Manila.
May haba na 45-segundo ang campaign video na nagpapakita kay Vilma na binibigyang-diin ang kahalagahan ng ligtas at maaasahang transportasyon para sa mga commuter sa Pilipinas.
Tinalakay ni Vilma sa campaign video ang mga hamon na kinakaharap ng mga commuter, tulad ng mahabang oras ng paghihintay, hindi mahuhulaan na lagay ng trapiko, mga alalahanin sa kaligtasan, at ang papel na ginagampanan ng Angkas sa pagbibigay ng ligtas at maaasahang alternatibo sa transportasyon para sa mga Pilipino.
"We are proud to partner with Angkas to promote safe and reliable transportation in the Philippines.
“As a former governor and public servant, I know how important it is to have reliable transportation options. Angkas provides an important service to commuters in the Philippines, and I am happy to support their efforts,” pahayag ni Vilma tungkol sa pagsasanib-puwersa nila ng Angkas.
"We are thrilled to partner with Vilma Santos to launch this campaign promoting safe and reliable transportation,” ang sabi naman ni Royeca.
“At Angkas, we are committed to providing our riders with the best possible experience, and that means ensuring that they are safe and secure when using our services.
"The campaign is part of Angkas' ongoing efforts to improve transportation options for commuters in the Philippines.
“By partnering with public figures like Vilma Santos, the company hopes to raise awareness about the importance of safe and reliable transportation and encourage more Filipinos to use its services.”