Si Quezon City District V Councilor Alfred Vargas ang principal author ng National Intergrated Cancer Control Act (NICCA o Philippines Republic Act 11215) na naging ganap na batas noong 2019.
Ang pangunahing layunin nito ay matulungan ang mga kababayan nating may karamdamang kanser na walang panggastos para magpagamot at walang kakayahang makabili ng mga gamot.
House Representative si Alfred ng District V ng Quezon City nang maipasa bilang batas ang NICCA.
Sa kanyang panunungkulan sa kasalukuyan bilang konsehal ng nasabing distrito, napansin niyang marami pa rin sa mga Pilipino ang kulang o walang alam tungkol sa Republic Act 11215 at sa mga tulong na maipapaabot sa kanila.
Kaya paalala niya sa lahat: “My mother died of cancer in 2014. It was my first term as congressman that time.
"Naranasan ko ang hirap na pinagdaraanan ng buong pamilya, hindi lamang ng pasyente, sa fight against cancer journey.
“Very challenging ito emotionally and financially sa buong family.
“Sa cancer, walang mayaman, walang mahirap kaya I made it my life’s mission to author the National Integrated Cancer Control Act.
“Para sa akin, ito ang pinakamahalagang batas na naipasa ko bilang legislator. Basta Pilipino ka, you can avail of the program.”
Nagbigay ng karagdagang impormasyon kung paano makahihingi ng tulong ang mamamayang Pilipino na may sakit na kanser.
“Sa ngayon, mayroong 31 Cancer Access Sites na accredited ng Department of Health sa buong bansa.
“In these access sites, you can have cancer assistance through free medicines and several cancer treatments.
"I made this appeal because my office found out na kaunti lang ang nakakaalam ng mayroon nang mga ganitong klase ng tulong.
“Mga P1.2B worth of assistance yan kaya gusto nating magamit ng mga nangangailangan.
“Sana maging useful ang impormasyon na ito sa mga kababayan natin.
“I will continue to update you guys via my FB and IG tuwing mayroong bagong developments sa implementation ng NICCA LAW. I will continue this advocacy for the rest of my life,” pangako ni Alfred.
Ibinahagi rin ni Alfred ang listahan ng mga ospital na Cancer Access Sites sa iba’t ibang lugar sa Pilipinas na tiniyak niyang madaragdagan ang bilang para mas marami pang mga Pilipino ang matulungan:
Metro Manila
Amang Rodriguez Memorial Medical Center
East Avenue Medical Center
Jose R. Reyes Memorial Medical Center
Rizal Medical Center
National Kidney and Transplant Institute
Philippine Children’s Medical Center
National Children’s Hospital
Asian Hospital and Medical Center
Region 1 - Ilocos
Region 1 Medical Center
Ilocos Training and Regional Medical Center
Mariano Marcos Memorial Hospital and Medical Center
Cordillera Administrative Region
Baguio General Hospital and Medical Center
Region 2 - Cagayan Valley
Cagayan Valley Medical Center
Region 3 - Central Luzon
Dr. Jose B. Lingad Memorial Medical Center
Bataan General Hospital and Medical Center
Dr. Paulino J. Garcia Memorial Research and Medical Center
Region 4A - Calabarzon
Batangas Medical Center
Region 5 - Bicol
Bicol Regional Training and Teaching Hospital
Bicol Medical Center.