Isang thanksgiving party sa Quezon City ang ginanap para kay Robert Douglas Walcher IV ngayong Miyerkules, June 7, 2023, matapos siyang itanghal na Mister Teen International 2023.
Si Robert, 16, ay panganay na anak ng aktres na si Patricia Javier at mister nitong si Dr. Rob Walcher.
Ginanap ang international male pageant sa Bangkok, Thailand, noong June 1, 2023.
Read: Robert Douglas Walcher IV, Patricia Javier’s son, wins Mister Teen International 2023
Si Robert ay nasa Grade 10, pero homeschooled tulad ng nakababatang kapatid na si Ryan.
(L-R) Aktres na si Patricia Javier, anak na sina Robert, Mister Teen International 2023, Ryan, at mister na si Dr. Rob Walcher, isang chiropractor.
Pinasalamatan ni Robert ang lahat ng mga sumuporta at nagdasal para sa kanya sa kauna-unahan niyang paglahok sa isang international pageant.
Nang tanungin tungkol sa mga ugali ng kanyang mga magulang na minana niya, sagot ni Robert: “From my mom, I believe I took her generosity because whenever I go abroad, I would love to give my friends, my family, gifts from where I came from.
“From my dad, I’d say his mentality. My dad has the strongest mentality because he’s always dedicated to anything he does and he’s passionate too.
“I am a very dedicated person like my father, and so any work that I put into my interests like music or sports, I like playing the guitar and piano, every day, I work so hard and practicing and all that.”
Nakatakdang bumalik si Robert sa Bangkok sa June 28 para sa Thailand Fashion Week.
Pupunta naman siya sa Vietnam sa September 2023 dahil kasama ito sa mga responsibilidad niya bilang reigning Mister Teen International.
Ipinagmamalaki nang husto nina Patricia at Rob ang inuwing karangalan ni Robert para sa Pilipinas, at lubos din ang pasasalamat nila sa lahat na nagpapahatid ng pagbati sa kanilang pamilya.
“We are so proud of Robert and all the work that he has put in his sixteen years of life,” sabi ni Dr. Rob.
“Every day is about improving, getting stronger, growing confidence, making new friends, and really putting yourself out there, making yourself vulnerable and then you represented the country which is so amazing.”