Sentro ngayon si Miss International 1970 Aurora Pijuan dahil sa mga tweet niya tungkol kay Senator Imee Marcos.
Read: Former Pinay Miss International winners: Where are they now?
Banayad pero may bahid ng pagtataray ang mga tweet ng 73-year-old former beauty queen sa mga larawan ni Imee nang dumalo ang huli sa State of the Nation Address (SONA) ng kanyang kapatid, si President Ferdinand Marcos Jr., ngayong Lunes ng hapon, July 24, 2023.
“This can’t be her. I won’t recognize her even if I run her over in Edsa. Not that it’s a plan,” unang tweet ni Aurora tungkol kay Imee.
Kalakip nito ang tweet ng political analyst na si Richard Heydarian, na ipinost ang screenshot ng interview ni Imee. Caption niya, "Sen Imee in the house..."
Sunod na tweet ni Aurora: “Is that a crocodile on her arm? She’s not putting us on notice, is she?"
Reaksiyon naman niya ito sa temporary tattoo sa bisig ng 67-year-old senator na ipinagmalaki ang kanyang traditional Cordillera outfit.
Pinagpipistahan ng netizens ang mga patutsada ni Aurora—na mas kilala bilang Au-Au Pijuan—kay Imee.
Malalim at personal ang pinag-uugatan ng alitan ng dalawa.
Pareho silang nagkaroon ng personal na relasyon sa golfer at basketball coach na si Tommy Manotoc.
Si Tommy ay dating asawa ni Au-Au at may dalawa silang anak: ang TV sportscaster na si TJ Manotoc at si Mavis Manotoc.
Naghiwalay sila dahil sa pakikipagrelasyon ni Tommy kay Imee.
Diniborsyo ni Tommy si Au-Au sa Dominican Republic para mapakasalan niya si Imee. Nagbunga ng tatlong anak ang pagsasama nina Tommy at Imee: sina Borgy, Mike, at Matthew.
Naghiwalay rin sina Imee at Tommy nang lumaon.
Wala pang reaksiyon si Imee sa mga patutsada sa kanya ni Au-Au.