Kinumpirma ni Bureau of Immigration (BI) Spokesperson Dana Sandoval sa Fast Talk With Boy Abunda na na-detain si Jeffrey Oh sa Bureau of Immigration facility sa Bicutan, Taguig City, hanggang ngayon.
Si Oh ang American-Korean businessman na CEO ng Careless Entertainment at kasosyo ni James Reid sa nabanggit na kompanya.
Read: Careless CEO Jeffrey Oh allegedly arrested, facing deportation
Ang kawalan ng work permit at visa ang mga dahilan kaya dinakip ng mga tauhan ng BI si Oh sa Poblacion, Makati City, noong July 28, 2023.
Nakalaya si Oh noong August 4 matapos magbayad ng piyansa.
Tumanggi si Sandoval na sabihin ang pangalan ng taong nagsuplong kay Oh na nahaharap sa deportation.
Isang araw matapos dakpin si Oh, naglabas ng balita ang BI noong July 29 tungkol sa pag-aresto sa American businessman, pero hindi nila sinabi ang pangalan.
Nakasaad dito: “Commissioner Norman Tansingco shared that immigration operatives on Friday arrested an American businessman for allegedly working without permit.
"Immigration agents arrested the 34-year-old American in Poblacion, Makati after reportedly engaging in gainful employment without the necessary work permit, in violation of Philippine immigration laws.
“A complaint lodged with the BI reported the American to have presented himself as the CEO of a Manila-based company, as well as the owner of several restaurants, without acquiring the necessary visas or permits. He will be facing a deportation charge and will remain in the BI’s facility in Bicutan, Taguig during the proceedings.”
Read: Careless CEO claims Liza Soberano offered to audition for Zendaya's role in Spider-Man
Ang ama ni James na si Malcolm Reid ang napaghihinalaang nagsumbong sa BI tungkol sa ilegal na pagnenegosyo ni Oh sa Pilipinas, pero pinabulaanan ito ng isang nakakaalam sa kuwento sa Cabinet Files.
Itinanggi ng source na may kinalaman si Malcolm sa pag-aresto kay Oh dahil lalong hindi nito umano mababayaran ang malaking pagkakautang kay James kung mapalalayas mula sa Pilipinas ang American-Korean businessman.
Hindi lamang si James ang business partner ni Oh dahil lingid sa kaalaman ng publiko, investor din sa Careless Entertainment ang anak ng isang pulitiko.