Gugunitain at ipagdiriwang nina Maricel Laxa at Anthony Pangilinan ang ika-30 anibersaryo ng kanilang pagpapakasal sa December 19, 2023.
Biniyayaan sila ng Diyos ng limang anak, kabilang ang Kapamilya heartthrob na si Donny Pangilinan.
Read: Happy surprise for siblings Donny and Hannah Pangilinan during breakfast date with parents
Makabuluhan ang 30th wedding anniversary ng mag-asawa dahil sa librong kanilang magkatulong na isinulat, ang Marriage Is a Marathon, Run It One Step at a Time.
Inilunsad ang libro sa Unfrench Bistro, San Juan City, noong Agosto 10, 2023.
Limang taon ang ginugol nina Maricel at Anthony para mabuo ang libro na ayon sa kanila ay produkto ng 30 taong paghahanda at halaw mula sa mga personal na karanasan nila.
Pangunahin nilang layunin na matulungan ang ibang mga mag-asawa na may mga struggle o pagpupunyagi na pinagdaraanan sa pagsasama.
May walong kabanata ang Marriage Is a Maratahon: "Marathon Make the Decision," "Allow Time for Preparation," "Review the Route," "Ask Those Who Have Gone Before You," "Take Your Loved Ones with You," "Have More in Your Agenda Than Just Finishing," "Open Your Heart and Mind to Surprises," at "Never Forget to Rely on Divine Power to Help You Finish Strong" na acronym ng pamagat ng libro.
Read: Maricel Laxa reveals constant reminder to son Donny Pangilinan
Sabi ni Maricel, “One part of the book na favorite ko rin is 'Take Your Loved Ones with You.'
"I think throughout our journey, palaging kasama lahat, walang iwanan, whether it’s one child or two children, both of us, when you run with the people you love and who are the most important to you, that you realize when you start something it’s worth finishing, even for the sake of those people looking up to you to finish it well.”
Ibinahagi rin ni Maricel sa libro ang makabagbag-damdaming kuwento ng relasyon nila ng kanyang ama na si Tony Ferrer, na pumanaw noong January 23, 2021.
Read: Known as James Bond of the Philippines, former actor Tony Ferrer passes away at 86
Itinuturing ni Maricel na isang tagumpay sa buhay niya ang reconciliation o pagkakasundo nila ni Tony, ang James Bond ng Pilipinas.
Hindi itinanggi ni Maricel ang pagkakaroon ng abandonment issues dahil lumaki siyang hindi kapiling ang kanyang ama.
Masakit para kay Maricel na ipinakilala siya ni Tony sa kanyang mga kapatid sa ama bilang pinsan. Nangyari ito noong limang taon ang edad niya.
Bahagi ng rebelasyon ng aktres, “One major victory in my life is having completely reconciled with my father. Growing up, I always had abandonment issues because I didn’t grow up with him.
“And though I had the chance to spend time with him during the Christmas holidays, I was devastated to once have been introduced to my siblings as their cousin,” ang bahagi ng nakakaantig-damdamin na rebelasyon ni Maricel.
Mababasa sa Marriage Is a Marathon ang kabuuan ng kuwento ni Maricel tungkol sa relasyon nila ni Tony na tiyak na kapupulutan ng aral ng lahat dahil sa pagpapatawad at pag-iral ng tunay na kahulugan ng pagmamahal.
Mabibili ang kopya ng Marriage Is a Marathon sa leading e-commerce platforms at puwedeng mag-order sa anthonyandmaricel.com.