Mga baguhan ang mga bida sa Secret Campus, ang four-part original series project ng award-winning director na si Joey Reyes.
Pero puring-puri ni Direk Joey ang kanyang mga artista na sina Azi Acosta, Ataska, Angelica Hart, at Angela Morena dahil bukod sa mahuhusay umarte, matatalino ang apat na Vivamax stars.
“I love working with mga baguhan kasi ang mga baguhan maraming learnings silang nakukuha," pahayag ni Direk Joey sa digital media conference ng Secret Campus na naganap nitong Miyerkules ng hapon, August 16, 2023.
"Ang mga baguhan, walang sungay. Kung may sungay man, madaling baliin dahil nagsisimula pa lang sila."
Read: Direk Jose Javier Reyes, creative consultant ng Regal pero nagdidirek din sa Vivamax
Kuwento pa niya, “Itong apat na artista ko, magagaling. There is more to them than meets the eye.
"I know that they’re doing adult roles, they’re doing sexy roles, pero when I dealt with them, I was so pleasantly surprised.
“In all honesty, noong nagka-casting, ang hiningi ko lang talaga, si Azi, dahil siya lang ang kakilala ko. Nakatrabaho ko siya in one of her earliest works, it was series na Anna.
“I told all of them, I wish I can work with them in a movie which is not an adult content para maipakita nila sa publiko yung galing nila bilang artista because they’re very, very good, compared to some of the baguhans.”
Read: Panahon na ba para ibalik ang local sexy films sa mga sinehan?
Nangyayari sa tunay na buhay ang apat na kuwento ng Secret Campus, at mapatotohanan ito ni Joey na nagtuturo rin bilang propesor sa isang sikat na unibersidad dahil sa chat group na kanyang natuklasan.
“Na-discover ko na may mga chat group, websites kung saan naglalabas ang mga estudyante ng kanilang mga bagay na hindi nila mailalabas on the mainstream sites.
“Dito lumalabas yung mga galit nila sa professor, mga eskandalo, yung mga relasyon ng mga estudyante sa isa’t isa.
"And sometimes, without naming names, I know for a fact that in some of the schools where I work for, merong ganyan, kasi somebody gave me access to that.
"And I was shocked because of the things they say about professors. So, merong ganyan talaga.
“It’s called a freedom wall, iba-iba, pero diyan naglalabasan ang lahat ng mga lihim,” rebelasyon ni Joey.
Mapapanood ang Secret Campus sa Vivamax streaming site simula sa August 27, 2023.