Ang boot camp training niya sa 201st Infantry Kabalikat Brigade sa lalawigan ng Quezon ang dahilan kaya ilang araw nang hindi napapanood si Anne Curtis sa It’s Showtime.
Kasama sa boot camp training si Gerald Anderson dahil siya ang co-actor ni Anne sa hardcore action at original series na pamamahalaan ng premyadong direktor na si Erik Matti.
Puspusan ang paghahanda ni Anne para sa kanyang action series na magsisimula sana ang shooting sa September 25, 2023.
Pero nagdesisyon ang executives ng Reality MM Studios na umpisahan sa susunod na buwan, October 2023, ang prinicipal photography ng kanilang proyekto na isa sa mga pinakamagastos.
Hindi pa naglalabas ng pahayag ang Reality MM Studios executives tungkol sa ibang mga artista na makakasama ni Anne, pero importante na aligned o walang conflict sa araw na puwedeng mag-shooting siya ang schedule ng mga aktor na makakatrabaho niya.
Sa Instagram post ni Matti, sinabi nito na mahalaga na pamilyar ang bidang artista sa mga aktor na kasama sa proyekto, kahit wala silang mga eksena na magkasama.
"In a series that runs for several episodes, there are so many characters that the protagonist needs to be familiar with.
"And with the story threads going in so many directions, characters may not even meet each other. They may know of each other in the story but their lives may not even intersect with each other.
"It’s just best that actors and their characters know of all the characters, who is who, that move the story to where it’ll eventually go in the world that they exist in."
Ito raw ang dahilan ng diskarte ni Erik na ipakita kay Anne ang larawan ng mga artista na magkakaroon ng partisipasyon sa kanilang proyekto, kahit pa hindi niya makaeksena ang mga ito.
Hindi pa sinasabi ng mga producer ng action series na pangungunahan ni Anne ang pamagat ng kanilang proyekto, pero may mga nagsasabi na maaaring karugtong ito ng BuyBust, ang 2018 action movie na pinagbibidahan niya at tinangkilik ng manonood nang ipalabas sa mga sinehan.
Tulad ng kanyang boot camp training para sa original series, pinaghandaan noon ni Anne ang mga action stunt nito sa BuyBust sa pamamagitan ng matitinding ensayo sa Scout Ranger Training School kaya natutunan niya ang knife fighting at Pekiti-Tirsia Kali, isang uri ng combat-oriented system.
Read more stories on PEP.ph:
- Bloopers, sidelights, sweet moments at GMA Gala 2023
- Anne Curtis, netizens moved by "Mini Ms. U" contestant's pure and powerful statement
- Marjorie Barretto's note to self after hospital admission: "Single Moms have to stay in their best form ALWAYS."
- Gerald Anderson, Julia Barretto caught on Kiss Cam at Malaysia basketball game