Ang mag-asawang Billy Crawford at Coleen Garcia ang mga panauhin sa Fast Talk with Boy Abunda nitong Lunes ng hapon, Setyembre 4, 2023.
Ang pinakamatinding away nila ang isa sa mga itinanong sa kanila ng host na si Boy Abunda.
“Are there times in your life that you just can’t stand each other?" usisa ni Boy kay Coleen.
Nakangiting sumagot si Coleen at binanggit ang insidenteng kinasangkutan ni Billy noong Setyember 7, 2014. Naging malaking balita ito kaya headline ng mga pahayagan at television news program.
Read: Billy Crawford charged with malicious mischief, disobedience to person in authority
“I will be honest, they used to be so bad, like aabot siya sa precinct ng BGC. Mati-TV Patrol kami, 24 Oras.
"Pero now, it’s the daily frustrations or yung emotion or inis or hindi nakakain, yung ganoon lang. A lot of things that contribute to a bad mood,” sagot ni Coleen.
Walang kamali-malisya at walang kamalay-malay si Coleen, na binanggit na malapit na ang ika-siyam na anibersaryo ng insidente na pinagpistahan at pinag-usapan ng publiko noong Setyembre 7, 2014.
“Thanks guys, ha?” natatawang reaksiyon ni Billy sa pahayag ng kanyang asawa.
Pero sabi rin ng singer-TV host, “If I may, the technique there is you have to understand your partner, a lot more than you used to.
"Kasi when we used to date, obviously, I was more of the, 'Yeah, yeah, I know what I’m doing, blah blah blah.'
“But once you have a family, once you have a partner, I got married to Coleen, there’s something else that every time...
"She’s younger than me, she’s ten years younger than me, but I learned so much more by listening to her.
“I understand na hindi puwedeng sabayan ‘coz she’s gone through so much. She’s sacrificed so much more than as I meant.”
Lumabas ngayong araw ang desisyon ng MTRCB na patawan ng 12 araw na suspension ang It’s Showtime dahil sa mga paglabag umano ng mga host sa mga ipinatutupad na alituntunin at sa sunud-sunod na reklamong natatanggap ng tanggapan nila mula sa ilang manonood.
Read: MTRCB suspends 'It's Showtime' for 12 days
Kapwa mga dating host ng It’s Showtime sina Billy at Coleen.
Hindi nagtanong si Boy tungkol sa isyung kinakaharap ngayon ng It’s Showtime, pero kinumusta niya ang relasyon sa kasalukuyan nina Billy at Coleen sa mga host ng nabanggit na programa.
Naging matapat si Billy nang sabihin nitong nagbago na ang relasyon nila ni Coleen sa mga dating kasamahan nila sa It’s Showtime.
Aniya, “We hardly actually have time to communicate with every single person we know.
"It’s hard enough with our own family so the relationship has changed, to be honest with you Tito Boy.
"It’s not like it used to be.
"Simula nung, I guess, we started a family, everything completely changed.”