Ginanap sa Cinema 5 ng TriNoMa nitong Huwebes ng hapon, September 21, 2023, ang cast reveal ng pelikulang GG (GoodGame), na magkasanib na produksiyon ng Mediaworks, Cignal Entertainment, at Create Cinema.
Ang Mediaworks ang arts and entertainment company ng grupo ni Anthony Pangilinan kaya isang family event ang cast reveal ng GG, na pinangungunahan ng kanyang anak na si Donny Pangilinan.
Kasama rin sa pelikula ang asawa ni Anthony na si Maricel Laxa, samantalang creative producer ng proyekto ang isa pa nilang anak na si Hannah.
Ipinakilala bilang mga artista ng GG sina Baron Geisler, Igi Boy Flores, Gold Aceron, Kaleb Ong, at Mister Supranational Philippines 2023 Johannes Rissler.
“Donny believes in this movie so much that he is a major investor and stakeholder,” sabi ni Maricel tungkol sa pelikulang balak nilang isali sa 49th Metro Manila Film Festival sa Disyembre 2023.
“He has been part of it from beginning to end and he continues to be part of it, whether it’s behind the scenes or it’s with the cast, the crew.
“Every single detail, he’s part of, and I’m very proud to be part of this film because his whole heart and soul is in it.”
Para naman kay Donny, ibang-iba ang GG sa mga nakaraang proyekto niya dahil bukod sa karakter na kanyang ginampanan, magkasama sila ng kanyang ina na si Maricel.
Read: Donny Pangilinan thrilled to work with mom Maricel Laxa first time
Saad niya, “This one is very different from my previous works.
"I think the biggest adjustment for me, one is working with my mom.
"You might think it’s easy kasi siyempre, close kami, everything, but maybe that’s why it’s kinda hard for me kasi I had to separate being a son.
“Yung look pa lang niya, actually sinabi sa akin na, ‘You have to bleach your hair.' And that’s, like, there’s no way I’ll ever gonna do that.
"But what happened guys, I had to bleach my hair and that’s real color.
“For two months, that was my hair, and we did quite a good job in hiding a lot of the scenes I was in.”
Pinatotohanan ni Anthony na malaking hamon ang pagkukulay sa buhok ni Donny para sa papel na ginampanan nito sa GG dahil sa ibang mga proyekto ng anak nila ni Maricel.
“Iba yung kulay tapos meron pala siyang commercial shoot, so kailangan balik sa itim. Tapos balik na naman sa bleach.
"Tapos merong teleserye shoot, so balik na naman sa itim, balik na naman sa bleach. Buti nga, may buhok pa siya ngayon!" natatawang pagbabahagi ni Anthony.
Ipinagtapat din ni Anthony na napaluha siya nang mapanood niya ang GG.
"Kung hindi ka gamer, paano ang pamilya ninyo? This movie will bring together… our hope is the parents will tell the kids, the gamers, 'Kailangan ninyong panoorin ito parang pinagdadaanan namin.'
“At the same time, sasabihin ng gamers, ‘Mom, Dad, panoorin ninyo ito. Parang mundo natin,” sabi ni Anthony.
Nagpasalamat din si Anthony dahil sa suportang natanggap nila mula sa e-sports community.
“Sa conceptualization pa lang [ng proyekto], nandoon na ang e-sports community.
“Every day we shot the movie, we had e-sports consultants making sure na bawat scene, bawat dialogue, pati yung galaw ng kamay, authentic at totoo.”